အောက်တိုဘာလတစ်လတည်းတွင် ကမ္ဘောဒီးယားနိုင်ငံဖွံ့ဖြိုးတိုးတက်ရေးကောင်စီ (CDC) သည် အမေရိကန်ဒေါ်လာ ၂၂၆သန်းတန်ကြေးရှိသည့် စီမံကိန်း ၃၁ခုကိုအတည်ပြုခဲ့ပြီး ပြည်တွင်းမှ ပြည်သူများအတွက် အလုပ်အကိုင်အခွင့်အလမ်း ၁၆၀၀၀ ဖန်တီးပေးနိုင်မည်ဟုသိရပါသည်။ ထိုရင်းနှီးမြှုပ်နှံမှုစီမံကိန်း ၁၀ခုသည် အထူးစီးပွားရေးဇုန်များ (SEZs) တွင်တည်ရှိပြီး ကျန် ၂၁ခုမှာ SEZs ပြင်ပတွင်ရှိကြောင်း CDC က ၅-၁၁-၂၀၂၄ ရက်နေ့က သတင်းစာရှင်းလင်းပွဲတွင် ပြောကြားခဲ့ပါသည်။ ရင်းနှီးမြှုပ်နှံမှုစီမံကိန်းများတွင် အခြေခံအဆောက်အအုံနှင့် အဝတ်အထည်၊ ဖိနပ်၊ အိတ်များ၊ အိမ်သုံးပစ္စည်းများ၊ ခရီးသွားအသုံးအဆောင်များ၊ ပရိဘောဂနှင့် အလှဆင်ပစ္စည်း စသည့် ကုန်ထုတ်လုပ်ခြင်းကဏ္ဍတို့ပါဝင်ကြောင်းသိရပါသည်။ သတင်းအရင်းအမြစ်များအရ တရုတ်နိုင်ငံသည် ကမ္ဘောဒီးယားတွင် ရင်းနှီးမြှုပ်နှံမှု၌ ထိပ်ဆုံးကရပ်တည်နေပြီး စုစုပေါင်းမတည်ရင်းနှီးမြှုပ်နှံမှု၏ ၅၃.၃၉% ရှိကာ ပြည်တွင်းရင်းနှီးမြှုပ်နှံမှုမှာ ၂၉.၄၇% ရှိကြောင်းသိရပါသည်။
Source : Khmer Times
DOCA(ရန်ကုန်)