ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၌ စားသုံးသူအသိပညာပေးဟောပြောပွဲကို စားသုံးသူရေးရာဦးစီးဌာန၊ မြို့နယ်စီမံအုပ်ချုပ်ရေးအဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့်လူငယ်ရေးရာဦးစီးဌာနတို့ပူးပေါင်း၍ နိုဝင်ဘာလ (၅)ရက်နေ့၊ နံနက်(၀၉း၃၀)နာရီအချိန်တွင် အ.ထ.က တောကျောင်းတွင် လူငယ်ရေးရာအသိပညာပေးဟောပြောပွဲ ကျင်းပပြုလုပ်ခဲ့ကြောင်းသိရသည်။
ထိုသို့ အသိပညာပေးဟောပြောပွဲကျင်းပပြုလုပ်ရာတွင် မြို့နယ်စီမံအုပ်ချုပ်ရေးအဖွဲ့မှ အဖွဲ့ဝင်(၂) ဦးရဲတင့်က လူငယ်နှင့်အနာဂတ်အကြောင်း၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လူငယ်နှင့်စာပေအကြောင်း၊ မြို့နယ်အားကစားနှင့်လူငယ်ရေးရာဦးစီးဌာနမှ လူငယ်နှင့် အားကစားအကြောင်း၊ မြို့နယ်စားသုံးသူရေးရာဦးစီးဌာနမှ စားသုံးသူ၏အခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြခြင်းဆိုင်ရာအချက်အလက်များ၊ ကုန်စည်(သို့မဟုတ်)ဝန်ဆောင်မှုနှင့်စပ်လျဉ်း၍ စားသုံးသူမှနစ်နာဆုံးရှုံးမှုများရှိလာပါက တိုင်ကြားနိုင်သည့်နည်းလမ်းများနှင့် အွန်လိုင်းစနစ်ဖြင့် ဝယ်ယူခြင်းများနှင့်စပ်လျဉ်း၍ သိကောင်းစရာများ စသည်တို့ကို ဆွေးနွေးပြောကြားခဲ့ကြောင်းသိရသည်။ အဆိုပါအသိပညာပေးဟောပြောပွဲတွင် ဆရာ/ မများနှင့် ကျောင်းသား/ သူစုစုပေါင်း (၂၀၀)ဦး တက်ရောက်ခဲ့ကြောင်းသိရပါသည်။
DOCA(ရန်ကုန်)