Cherry အင်ဒိုနီးရှားက Omoda C5 အမျိုးအစား မော်တော်ယာဉ်များအား ဗီယက်နမ်သို့ ပထမဆုံးတင်ပို့လိုက်ကြောင်း Omoda & Jaecoo ဗီယက်နမ်က နိုဝင်ဘာ ၆ ရက်နေ့တွင် ပြောကြားခဲ့ပါသည်။ ဈေးနှုန်းများကို ပြည်တွင်းတပ်ဆင်မှုမတိုင်မီ ယခုလနှောင်းပိုင်းတွင် ဖော်ပြရန် မျှော်လင့်ရကြောင်းသိရပါသည်။ အင်ဒိုနီးရှားနှင့် မလေးရှားမှ ယာဉ်များတင်သွင်းမှုအပြင် Omoda & Jaecoo ဗီယက်နမ်သည် တစ်နှစ်လျှင် မော်တော်ယာဉ်အစီး ၂၀၀၀၀၀ ထုတ်လုပ်နိုင်သည့်စက်ရုံကို Thai Binh ပြည်နယ်တွင် ဆောက်လုပ်လျက်ရှိကြောင်းသိရပါသည်။ စုစုပေါင်းရင်းနှီးမြှုပ်နှံမှုတန်ဖိုး အမေရိကန်ဒေါ်လာ သန်း၈၀၀ရှိသည့် ထိုစက်ရုံသည် ၂၀၂၆ခုနှစ်တွင် စတင်လည်ပတ်နိုင်မည်ဖြစ်ပြီး ဗီယက်နမ်၏ မော်တော်ယာဉ်လုပ်ငန်းကြီးထွားမှုကို အရှိန်မြှင့်ပေးနိုင်မည်ဖြစ်ကာ ဒေသခံများအား အလုပ်အကိုင် အခွင့်အလမ်းများဖန်တီးနိုင်မည်ဟုသိရပါသည်။ Omoda C 5 နှင့် အခြားမော်ဒယ်များအား ပြည်တွင်းတပ်ဆင်ခြင်းသည် ကုန်ကျစရိတ်များလျှော့ချရန်၊ ဈေးနှုန်းယှဉ်ပြိုင်နိုင်စွမ်းရှိစေရန်နှင့် ဗီယက်နမ်သုံးစွဲသူများ၏လိုအပ်ချက်နှင့် အံဝင်ခွင်ကျဖြစ်စေရန် ကူညီနိုင်မည်ဟုသိရပါသည်။ ၎င်းသည် Cherry Group နှင့် ဗီယက်နမ်၏ GELEXIMCO Group တို့အကြား ပူးပေါင်းဆောင်ရွက်မှု၏ ရေရှည်မဟာဗျူဟာမြောက် မှတ်တိုင်တစ်ခုဖြစ်ပြီး မော်တော်ယာဉ်လုပ်ငန်းတွင် တည်ငြိမ်ပြီး ကျယ်ပြန့်သောအနာဂတ်ဆီသို့ ဦးတည်စေကြောင်းသိရပါသည်။
Source : Vietnam Plus
DOCA(ရန်ကုန်)