တရုတ်သို့တင်ပို့ရန်အတွက် ကမ္ဘောဒီးယား၏ ဒူးရင်းပြုပြင်ထုတ်လုပ်ခြင်းတွင် ရင်းနှီးမြှုပ်နှံရန် တရုတ်ကုမ္ပဏီမျက်စိကျနေ

တရုတ်နိုင်ငံစိုက်ပျိုးရေးကုမ္ပဏီဖြစ်သည့် Zhengzhou Chen’s Sun သည် ကမ္ဘောဒီးယား၏ စိုက်ပျိုးရေးကဏ္ဍ အထူးသဖြင့် တရုတ်သို့တင်ပို့ရန်အတွက် ဒူးရင်းသီးပြုပြင်ထုတ်လုပ်သည့် စက်ရုံတည်ထောင်ရန် စိတ်ဝင်စားမှုပြသခဲ့ကြောင်းသိရပါသည်။ ကုမ္ပဏီ၏ ဥက္ကဋ္ဌဖြစ်သူ Xuemei Chen က ကမ္ဘောဒီးယားဝန်ကြီးချုပ်ဖြစ်သူ Hun Manet နှင့် နိုဝင်ဘာလ ၆ရက်နေ့က တရုတ်နိုင်ငံ ကူမင်းမြို့၌တွေ့ဆုံစဉ် ကမ္ဘောဒီးယား၏ စိုက်ပျိုးရေးကဏ္ဍ အထူးသဖြင့်သစ်သီးလုပ်ငန်းတွင် ကြီးမားသောအလားအလာရှိမှုကို အသိအမှတ်ပြုကြောင်းနှင့် တရုတ်နှင့် အခြားနိုင်ငံများသို့တင်ပို့ရန် စိုက်ပျိုးရေးကဏ္ဍတွင် အထူးသဖြင့် ဒူးရင်းပြုပြင်ထုတ်လုပ်သည့် စက်ရုံတည်ထောင်ရာတွင် ရင်းနှီးမြှုပ်နှံရန် စိတ်ဝင်စားကြောင်းပြောကြားခဲ့ပါသည်။ ထိုရင်းနှီးမြှုပ်နှံမှုသည် အလုပ်အကိုင်အခွင့်အလမ်းဖန်တီးပေးနိုင်ပြီး ဝင်ငွေမြင့်တက်စေကာ လူနေမှုဘဝမြင့်တက်စေနိုင်ကြောင်းသိရသည်။ Hun Manet က ကမ္ဘောဒီးယားစိုက်ပျိုးရေးကဏ္ဍတွင် ကုမ္ပဏီ၏စိတ်ဝင်စားမှုကို ကြိုဆိုကြောင်းနှင့် ယှဉ်ပြိုင်မှုရှိသော နိုင်ငံတကာဈေးကွက်များအတွက် များစွာသော စိုက်ပျိုးရေးထုတ်ကုန်များထုတ်လုပ်ရန် ကမ္ဘောဒီးယား၏ အလားအလာရှိမှုကိုပြောကြားခဲ့ပါသည်။ ထို့ပြင် ဝန်ကြီးချုပ်က ကုမ္ပဏီအား သက်ဆိုင်ရာဝန်ကြီးဌာနများ၊ အစိုးရအဖွဲ့အစည်းများနှင့် ပြည်တွင်းမိတ်ဖက်များနှင့် နီးကပ်လုပ်ဆောင်ရန်နှင့် အသေးစိတ်ဆွေးနွေးရန် စေ့စပ်ပေးခဲ့ကြောင်းသိရပါသည်။
Source : Khmer Times
DOCA(ရန်ကုန်)