မြောက်ပိုင်းခရိုင်ဦးစီးမှူးရုံးမှ ဦးအောင်တင်စိုး၊ ခရိုင်ဦးစီးမှူးပါ (၄)ဦးတို့သည် ၅-၁၁-၂၀၂၄ ရက်နေ့၊ နေ့လယ်(၁၂:၅၀)နာရီအချိန်တွင် လှိုင်သာယာ(အနောက်ပိုင်း)မြို့နယ်ရှိ မင်းသားကြီးအမှတ်တံဆိပ် စားသောက်ကုန်လုပ်ငန်းသို့ သွားရောက်ကွင်းဆင်းစစ်ဆေးခဲ့ပါသည်။
ထိုသို့ဆောင်ရွက်ရာတွင် အမှတ်(၄၃၇)၊ ရွှေဝါ(၂)လမ်း၊ စက်မှုဇုန်(၅)ရှိ မင်းသားကြီးအမှတ်တံဆိပ် စားသောက်ကုန်လုပ်ငန်းမှထုတ်လုပ်သေ ာစားသောက်ကုန်များမှာ အာဗြဲခြောက်အချိုကင်၊ ငါးရံ့ခြောက်အချိုကင်၊ ပုစွန်ဘာလချောင်ကြော်၊ ငါးကျဉ်းခြောက်စပ်၊ မရမ်းသီးကြော်နှင့် ပုစွန်ငံပြာရည်ကြော်တို့တွင် စားသုံးသူကာကွယ်ရေးဥပဒေ ၂၀၁၉ အခန်း(၁၈)တွင် ဖော်ပြထားသော ကုန်အညွှန်းအမှတ်အသားနှင့်ပြည့်စုံကြောင်း စစ်ဆေးတွေ့ရှိရပြီး ဌာနမှလည်း စားသောက်ကုန်ပစ္စည်းများထုတ်လုပ်ရောင်းချရာတွင် သန့်ရှင်းသပ်ရပ်ရေး ဦးစားပေးဆောင်ရွက်ရန်၊ မိမိထုတ်လုပ်သောကုန်စည်နှင့်ပတ်သက်၍ စားသုံးသူ တစ်စုံတစ်ခုထိခိုက်နစ်နာဆုံးရှုံးမှုမရှိစေရေးနှင့် သိရှိလိုသည့်အချက်များအား ရှင်းလင်းဆွေးနွေး၍ လုပ်ငန်းခွင်များအား ကြည့်ရှုစစ်ဆေးခဲ့ကြောင်းသိရှိရပါသည်။
DOCA(ရန်ကုန်)