တနင်္သာရီတိုင်းဒေသကြီး၊ မြိတ်ခရိုင်မှ ထွက်ရှိလာသော ဒေသထွက်ကွမ်းသီးများကို နေ့စဉ်အခြားတိုင်းနှင့်ပြည်နယ်များသို့ တင်ပို့ရောင်းချလျက်ရှိရာ ၎င်းတို့ကို မြိတ်ခရိုင်စီမံအုပ်ချုပ်ရေးအဖွဲ့၊ စားသုံးသူရေးရာဦးစီးဌာန၊ အကောက်ခွန်ဦးစီးဌာန၊ စိုက်ပျိုးရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်ရဲတပ်ဖွဲ့နှင့် သက်ဆိုင်ရာဌာနတို့ပါဝင်သောအဖွဲ့များဖြင့် စစ်ဆေးကြပ်မတ်ပြီး တင်ပို့ရောင်းချလျက်ရှိကြပါသည်။
တနင်္သာရီတိုင်းဒေသကြီး၊ မြိတ်မြို့၏ ၂၀၂၄ခုနှစ်၊ နိုဝင်ဘာလ(၁၁)ရက်နေ့ရှိ ကွမ်းသီးစျေးနှုန်းသည် ကွမ်းသီးခြောက်တစ်ပိဿာလျှင် (၁၀၀၀၀)ကျပ်ခန့်နှင့် ခွဲခြမ်းတစ်ပိဿာလျှင် (၆၀၀၀)ကျပ်ခန့်ဖြစ်ပေါ်နေကြောင်း ကွမ်းသီးလုပ်ငန်းရှင်တစ်ဦးထံမှ သိရှိရပါသည်။
DOCA(တနင်္သာရီ)