ပဲခူးတိုင်းဒေသကြီး၊စားသုံးသူရေးရာဦးစီးဌာန၊ သာယာဝတီခရိုင်၊ ကြို့ပင်ကောက်မြို့နယ်မှ (၃)မိုင်ခန့်ဝေးသော ဂုမ္မကွင်းအုပ်စု၊ လိမ္မကွင်း(မြောက်စု) ၊ ကျေးရွာတွင် စိုက်ပျိုးရေး၊ မွေးမြူရေး၊ ကုန်ထုတ်လုပ်မှုဖွံ့ဖြိုးတိုးတက်ရေးသင်တန်းအား (၂၁.၄.၂၀၂၂)နေ့ နံနက် (၉:၀၀)နာရီတွင် စိုက်ပျိုးရေးဌာန၊ မွေး/ကုဌာနနှင့် စားသုံးသူ ရေးရာဉီးစီးဌာနတို့ ပူးပေါင်း၍ တက်ရောက်လာသူ (၃၂)ဦးအား စားသုံးသူရေးရာဦးစီးဌာန၊ ကြို့ပင်ကောက်မြို့နယ် တာဝန်ခံ ဒေါ်ရီရီရှိန်မှ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း ရှင်းပြခဲ့ပါသည်။
တက်ရောက်လာသူများအား စားသုံးသူကာကွယ်ရေးဉပဒေပါ အကြောင်းအရာများကို ရှင်းလင်းဆွေးနွေး ခြင်း၊ စားသုံးသူအခွင့်အရေးများ၊ လုပ်ငန်းရှင်များ၏ တာဝန်များ ၊ နစ်နာမှုရှိလျှင် ကုစားပေးနိုင်သည့် အချက်များ ၊ ကုန်စည်၊ ဝန်ဆောင်မှု နှင့်ပတ်သက်၍ ဝယ်ယူသုံးစွဲရာတွင် သတိပြုရမည့် အချက်များအကြောင်း ရှင်းလင်းဟောပြောခဲ့ပါသည်။ ထို့ပြင် ပြည်တွင်းကုန်သွယ်ရေးဖွံ့ဖြိုးတိုးတက်မှုနှင့် သုတေသနဆိုင်ရာ ကိစ္စရပ်များ စားသုံးဆီသုံးစွဲမှုကြောင့် ဖြစ်ပေါ်လာမည့် ဘေးထွက်ဆိုးကျိုးများကိုပါ ထည့်သွင်းအသိပညာပေး ဟောပြောခဲ့ပြီး တက်ရောက်လာသူများမှ သိလိုသည်များ ပြန်လည်ရှင်းပြခဲ့ပါသည်။
ဟောပြောပွဲအပြီး ကျေးရွာအုပ်ချုပ်ရေးမှူး ဦးကြည်ဝင်းနှင့်အတူ ကျေးရွာအတွင်းရှိ မုန့်မျိုးစုံဆိုင်၊ ကုန်စုံဆိုင်(၂)ဆိုင်အား ကုန်အညွှန်းအမှတ်အသားများပါမှသာ ရောင်းချပါရန် အသိပညာပေး ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။
DOCA(ပဲခူး)