မြန်မာနိုင်ငံတွင် ကြက်သွန်ဖြူကိုရှမ်းပြည်နယ်၌ အများဆုံးစိုက်ပျိူးသည်။ ကြက်သွန်ဖြူကို သီတင်းကျွတ်၊ တန်ဆောင်မုန်းလများတွင် စတင်စိုက်ပျိုးကြသည်။ တစ်နှစ်လျှင် တစ်ကြိမ်သာ စိုက်ပျိုးပြီး သက်တမ်း(၄)လကြာသည်။ ကြက်သွန်ဖြူသည် ဆီးချိုသွေးချိုရောဂါ၊ နှလုံးရောဂါ၊ သွေးတိုးရောဂါ၊ ကင်ဆာရောဂါနှင့် အအေးမိခြင်းများကို ကာကွယ်ပေးပါသည်။ ကြက်သွန်ဖြူသည် ဆီး၊ဝမ်းကိုရွှင်စေသည့်အပြင် သွေး၊ သည်းခြေကို တိုးပွားစေနိုင်ပါသည်။
ယခုအခါ တနင်္သာရီတိုင်းဒေသကြီး၊ ထားဝယ်မြို့တွင် ကြက်သွန်ဖြူ(ကြူဂုတ်) စျေးနှုန်းမှာ (၁)ပိဿာလျှင် ၂၀၀၀၀ ကျပ်ရှိပြီး၊ (ရှမ်းစ) (၁)ပိဿာလျှင် ၁၉၀၀၀ ကျပ်ရှိကြောင်း ကုန်စုံအရောင်းဆိုင်များမှ သိရှိရပါသည်။
DOCA(တနင်္သာရီ)