၂၀၂၄ ခုနှစ်၊ မိုးအကုန်ဆောင်းအကူး နိုဝင်ဘာလတွင် ကရင်ပြည်နယ်ဒေသထွက် လောင်စာမီးသွေး ဈေးနှုန်း အနည်းငယ်မြင့်တက်နေကြောင်း သတင်းရရှိသည်။
၂၀၂၄ ခုနှစ်၊ နိုဝင်ဘာလ တတိယပတ်အတွင်း ဖြစ်ပေါ်ခဲ့သော မီးသွေးဈေးနှုန်းများမှာ ဘားအံမြို့အတွင်း နောင်လုံကျော့ကျေးရွာ မီးသွေးတစ်အိတ်ဈေးနှုန်း ၁၆၅၀၀ ကျပ်၊ ကမမောင်း မီးသွေးတစ်အိတ် ၁၇၀၀၀ ကျပ်၊ ကော့ကရိတ် ပသကျေးရွာ မီးသွေးတစ်အိတ် ၁၅၀၀၀ ကျပ်နှုန်း တို့ဖြစ်ရောင်းချကြပြီး အခြားမြို့နယ်များဖြစ်သည့် မြဝတီမြို့အတွင်း မီးသွေးတစ်အိတ် ဈေးနှုန်း ၂၄၀၀၀ ကျပ်၊ ကော့ကရိတ်မြို့နယ် မီးသွေးတစ်အိတ် ဈေးနှုန်း ၂၀၀၀၀ ကျပ်၊ လှိုင်းဘွဲ့မြို့အတွင်း မီးသွေးတစ်အိတ် ၁၄၀၀၀ ကျပ်နှင့် ဖာပွန်၊ကမမောင်း မြို့နယ်အတွင်း မီးသွေးတစ်အိတ် ၁၆၀၀၀ ကျပ်တို့ဖြင့် အများပြည်သူများ ရောင်ဝယ်အသုံးပြုလျက်ရှိပါသည်။
ကရင်ပြည်နယ်အတွင် မီးသွေးဈေးနှုန်းအနည်းငယ်မြင့်တက်နေသည်ကို တွေ့ရှိရသည်။ ယခုလို မီးသွေးဈေးနှုန်းအနည်းငယ်မြင့်တက်ရခြင်းမှာ သယ်ယူကုန်ကျစရိတ်များခြင်းတို့ကြောင့်ဖြစ်ကြောင်း သတင်းရရှိပါသည်။
DOCA(ကရင်)