မကွေးတိုင်းဒေသကြီး၊ ပခုက္ကူမြို့နယ်တွင် ပဲစဉ်းငုံနီ၊ ပဲနီ၊ ကုလားပဲ၊ ပဲတီစိမ်း၊ ပဲနှောက်၊ နှမ်းနှင့် မြေပဲတို့ကို အဓိကစိုက်ပျိုးကြပါသည်။ ပခုက္ကူမြို့နယ်တွင် ပဲစဉ်းငုံနီကို ကုန်းခြောက်တောများဖြစ်သည့် ချောက်ကန်အုပ်စုရှိ ကျေးရွာများဖြစ်သော အရှေ့ချောက်ကန်၊ အနောက်ချောက်ကန်၊ မန်ကျည်းကိုးပင် ကျေးရွာများနှင့် အခြားကျေးရွာများတွင် စိုက်ဧက(၁၅၀၀၀)ကျော်ရှိပြီး သီးညှပ် သီးနှံအဖြစ် စိုက်ပျိုးကြကြောင်း၊ တစ်ချို့တောင်သူများမှာ နှစ်သီးစားစိုက်ပျိုးကြပြီး စိုက်ပျိုးသောမျိုးမှာ သက်လတ်မျိုးနှင့် သက်ကြီးမျိုးကို စိုက်ပျိုးကြကြောင်း သိရသည်။
ပခုက္ကူမြို့နယ်အတွင်းသို့ အခြားနယ်များမှလည်း ပဲစဉ်းငုံနီများ ဝင်ရောက်အရောင်းအဝယ်ဖြစ်လျက်ရှိကြောင်း၊ ယခုလက်ရှိ အရောင်းအဝယ်ဖြစ်နေသော ပဲစဉ်းငုံနီမှာ မန္တလေးတိုင်း ဒေသကြီးအတွင်းရှိ ကျောက်ပန်းတောင်း၊ ပုပ္ပါး၊ မာလာလက်ထုတ်၊ ပုလင်း၊ ငါးသရောက်၊ အောက်ညဉ့်နယ်မှ ထွက်ရှိသော ပဲစဉ်းငုံနီများဖြစ်ကြောင်း၊ ပဲစဉ်းငုံနီ (အသစ်)ပေါက်ဈေးမှာ တစ်တင်းလျှင် ကျပ်(၁၆၀၀၀၀)ဖြင့် အရောင်းအဝယ်ဖြစ်နေကြောင်း မြို့ပေါ်ရှိ ပွဲရုံများထံမှ သိရှိရပါသည်။
DOCA(မကွေး)