“သုံးခွမြို့နယ်အတွင်းရှိ ဆေးဆိုင်များတွင် အသုံးများသောဆေးဝါးများ လုံလောက်မှုရှိ/မရှိနှင့် ဈေးနှုန်းမြှင့်တင်ရောင်းချမှုရှိ/မရှိ ကွင်းဆင်းစစ်ဆေးခြင်း”

       ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်ရှိ ရပ်ကွက်ဆေးဆိုင်များသို့ ညွှန်ကြားချက်နှင့်အညီ ဈေးကွက်အတွင်းရောင်းချနေသော ဆေးဝါးများလုံလောက်မှုရှိ/မရှိနှင့် ဈေးနှုန်းမြှင့်တင်ရောင်းမှုရှိ/မရှိ နိုဝင်ဘာလ(၂၀)ရက်နေ့၊ နံနက်(၁၀:၃၀)နာရီအချိန်တွင် မိတ်ဖက်ဌာနများနှင့်ပူးပေါင်း၍ ကွင်းဆင်းစစ်ဆေးခဲ့ကြောင်းသိရသည်။

        အဆိုပါကွင်းဆင်းစစ်ဆေးမှုတွင် စားသုံးသူရေးရာဦးစီးဌာနမှဝန်ထမ်းများ၊ မြို့နယ်ပြည်သူ့ကျန်းမာရေးဦးစီးဌာနမှဝန်ထမ်းများ၊ မြို့နယ်စည်ပင်သာယာရေးအဖွဲ့မှဝန်ထမ်းများသည် အမှတ်(၉)ရပ်ကွက်ရှိ ဖူးပွင့်ဆေးဆိုင်၊ ကြယ်စင်လင်းဆေးဆိုင်၊ နန်းသိင်္ဂီဆေးဆိုင်နှင့် မိဘမေတ္တာဆေးဆိုင်များတွင် ရောင်းချနေသောဆေးဝါးများအနက် လူသုံးများသောဆေးဝါးများ ဖြစ်သည့် ဆီးချိုကျဆေး၊ သွေးကျဆေး၊ နှလုံးဆေး၊ အာရုံကြောဆေး၊ အားဆေး၊ အစာအိမ်ဆေး၊ သွေးတွင်းအဆီကျဆေး၊ အကိုက်ခဲပျောက်ဆေး၊ သွေးကျဲဆေး စသည့်ဆေးဝါးများ လုံလောက်မှုရှိ/မရှိနှင့် ဈေးနှုန်းမြှင့်တင်ရောင်းချမှုရှိ/မရှိတို့ကိုကွင်းဆင်းစစ်ဆေးခဲ့ပြီး ဆေးဝါးများအား ဈေးနှုန်းမြှင့်တင်ရောင်းချခြင်းများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ ထိရောက်စွာအရေးယူဆောင်ရွက်သွားမည်ဖြစ်ကြောင်း အသိပညာပေးကွင်းဆင်းစစ်ဆေးခဲ့ကြောင်းသိရပါသည်။

DOCA(ရန်ကုန်)