ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်တွင် ဆီထွက်သီးနှံအဖြစ် မြေပဲ၊ နှမ်း၊နေကြာစသော သီးနှံ(၃)မျိုးအား လျာထားစိုက်ပျိုးခဲ့ပါသည်။ ၁၉.၁၁.၂၀၂၄ ရက်နေ့ထိ မြေပဲ လျာထားဧက ၃၅၂၀ ဧကတွင် ၂၅ ဧကစိုက်ပျိုးပြီး ၃၄၅၉ ဧက စိုက်ပျိုးရန် ကျန်ရှိပါသည်။ နှမ်းလျာထားဧက ၂၀၇ ဧကသည် စိုက်ပျိုးပြီးဖြစ်သော်လည်း ဆောင်သီးနှံနေကြာ လျာထားဧက ၁၀၁၈၄ ဧကတွင် ၃ ဧက စိုက်ပျိုးပြီး ၁၀၁၈၁ ဧကစိုက်ပျိုးရန် ကျန်ရှိကြောင်း မြို့နယ်စိုက်တိုး/မြှင့်အဖွဲ့မှ သိရှိရပါသည်။
၂၀၂၄ ခုနှစ် နိုဝင်ဘာလ နောက်ဆုံးပတ်နှင့် ဒီဇင်ဘာလ ပထမပတ်တွင် အပြီးသတ် စိုက်ပျိုးသွားမည်ဖြစ်ကြောင်း၊ ဆောင်းသီးနှံ မြေပဲနှင့် နေကြာကို နှုန်းတင်မြေနုကျွန်းဒေသများရှိရာ ကျေးရွာအုပ်စုများတွင် အများဆုံးစိုက်ပျိုးဧကရှိပြီး၊ နှမ်းသီးနှံကို ကုန်းမြင့်စားကျက်နေရာများတွင် အများဆုံးစိုက်ပျိုးထားကြောင်း သိရှိရပါသည်။ စိုက်ပျိုးရန်ကျန်ရှိသော ဧကများကို အချိန်မှီစိုက်ပျိုးနိုင်ရေးနှင့် စိုက်ပျိုးပြီးဧကများ အောင်မြင်ဖြစ်ထွန်းနိုင်ရေး ဟင်္သာတမြို့နယ် စိုက်တိုး/မြှင့် အဖွဲ့ဝင်များမှ အနီးကပ် ကြီးကြပ်ဆောင်ရွက်လျက်ရှိကြောင်း သိရှိရပါသည်။
DOCA(ဧရာဝတီ)