စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးအနေဖြင့် နေပြည်တော်စားသုံးသူရေးရာကော်မတီ လုပ်ငန်းညှိနှိုင်းအစည်းအဝေး (၁/၂၀၂၂) ကို ၂၀၂၂ ခုနှစ်၊ ဧပြီလ ၂၂ ရက်နေ့၊ နေလယ် (၁၄:၀၀)နာရီအချိန်တွင် နေပြည်တော်ကောင်စီရုံး၊ အစည်းအဝေးခန်းမ (၁) ၌ ကျင်းပပြုလုပ်ခဲ့ပါသည်။ အစည်းအဝေးကို စားသုံးသူရေးရာကော်မတီ ဥက္ကဋ္ဌ ဦးဇေယျာလင်းက တက်ရောက်အမှာစကားပြောကြားခဲ့ပြီး အတွင်းရေးမှူး ဒေါက်တာဇော်လွင်၊ နေပြည်တော်ဦးစီးမှူး က ၂၀၂၁-၂၀၂၂ ဘဏ္ဍာနှစ်အတွင်း စားသုံးသူကာကွယ်ရေးလုပ်ငန်းများနှင့် ပတ်သက်၍ ဆောင်ရွက်ခဲ့မှုအခြေအနေများ၊ လက်ရှိဆောင်ရွက်နေမှုအခြေ အနေများနှင့် ရှေ့ဆက်လက်ဆောင်ရွက်မည့် အစီအမံများ၊ စားသုံးသူကာကွယ်ရေးဥပဒေနှင့် နည်းပဒေပါ အချက်များအား အကျယ်တဝံ့ ရှင်းလင်းတင်ပြခဲ့ပြီး တက်ရောက်လာသော အဖွဲ့ဝင်ဌာနများအနေဖြင့် အကြံပြုချက်များ ဆွေးနွေးပေးကြပါရန် ဖိတ်ခေါ်ခဲ့ပါသည်။ ထို့နောက် တက်ရောက်လာသော အဖွဲ့များဖြစ်သည့် နေပြည်တော်ရဲတပ်ဖွဲ့မှူး၊ နေပြည်တော် စည်ပင်သာယာရေးကော်မတီ (ဈေးများဌာန)၊ ခရိုင်ဥပဒေအရာရှိ၊ အစားအသောက်နှင့်ဆေးဝါး ကွပ်ကဲရေးဦးစီးဌာန၊ မွေးမြူရေးနှင့် ကုသရေးဦးစီးဌာန၊ နေပြည်တော်အထွေထွေအုပ်ချုပ်ရေးဦးစီးဌာနနှင့် စားသုံးသူကိုယ်စားလှယ် စသည့်ဌာနဆိုင်ရာတာဝန်ရှိသူများက နေပြည်တော်အတွင်း စားသုံးသူကာကွယ်ရေးလုပ်ငန်းများကို အရှိန်အဟုန်မပျက် ဆောင်ရွက်နိုင်ရေးအတွက် အစဉ်တစိုက် ပူးပေါင်းဆောင်ရွက်သွားကြမည် ဖြစ်ပြီး စားသုံးသူကာကွယ်ရေးဥပဒေကို စားသုံးသူနှင့်လုပ်ငန်းရှင်များ ကျယ်ကျယ်ပြန့်ပြန့် သိရှိနိုင်အောင်ဆောင်ရွက်ရန် အကြံပြုဆွေးနွေးခဲ့ကြပါသည်။ ထို့နောက် နေပြည်တော်စားသုံးသူ ကာကွယ်ရေးကော်မတီ ဥက္ကဋ္ဌ ဦးဇေယျာလင်းက နိဂုံးချုပ်အမှာစကား ပြောကြားရာတွင် စားသုံးသူကာကွယ်ရေးလုပ်ငန်း များ အောင်မြင်စွာ ဆောင်ရွက်နိုင်ရေးအတွက် အဖွဲ့ဝင်ဌာနများမှ ပူးပေါင်း ပါဝင်ဆောင်ရွက်ကြရန်နှင့် ကော်မတီအစည်းအဝေးကို တစ်လလျှင်တစ်ကြိမ် ပြုလုပ်သွားမည် ဖြစ်ပါကြောင်း ပြောကြားခဲ့ပြီး နေပြည်တော်စားသုံးသူရေးရာကော်မတီ၏ လုပ်ငန်းညှိနှိုင်း အစည်းအဝေး (၁/၂၀၂၂) ကို နေ့လယ် (၁၄:၅၅) အချိန်တွင် ရုပ်သိမ်းခဲ့ကြောင်း သတင်းရရှိပါသည်။
DOCA(ပြည်ထောင်စုနယ်မြေ)