ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်၊ ဝက်ပုတ်ကျေးရွာတွင် ဟင်းသီးဟင်းရွက်မျိုးစုကိုစိုက်ပျိုးကြပြီး သခွား (အကြွပ်)မျိုးကို တစ်ဧကစိုက်ပျိုးထားကြောင်းသိရပါသည်။ သခွား (အကြွပ်)တစ်ဧကစိုက်ပျိုးမည်ဆိုပါက စတင်စိုက် ပျိုးချိန်မှစ၍ ခူးဆွတ်ရောင်းချချိန်အထိ (မျိုး၊ အလုပ်သမားခ၊ ဓာတ်မြေဩဇာ၊ ပိုးသတ်ဆေး၊ တိုင်ဖိုး၊ ကြိုးဖိုး)အပါဝင် စုစုပေါင်းကုန်ကျစရိတ်မှာ (၄)သိန်းခန့်ကုန်ကျကြောင်း၊ ပေါ်ဦးပေါ်ဖျား သခွားသီးတစ်လုံးလျှင် (၁၀၀)ကျပ်မှ (၁၅၀)ကျပ်နှုန်းဖြင့်ရောင်းချရကြောင်း၊ သခွားတစ်ဧကလျှင် အလုံးအရေအတွက် ခြောက်ထောင်ကျော်ခန့်ထွက်ရှိ ကြောင်း၊ စိုက်ပျိုးပြီးစီးသည်မှစ၍ အသီးပေါ်ခူးဆွတ်ချိန်ထိ တစ်လခွဲခန့်ကြာကြောင်း၊ အကျိုးအမြတ်အားဖြင့် ဈေးနှုန်းအတက်အကျပေါ်မှုတည်၍ (၂၅၀၀၀၀)ကျပ်မှ (၃၀၀၀၀၀) ကျပ်ခန့်ရရှိကြောင်း၊ အသီးခူးဆွတ်ရောင်းချချိန်တွင် ဝက်ပုတ်ကုန်စိမ်းဒိုင်မှ ခြံအရောက် လာရောက်ဝယ်ယူမှုများရှိပြီး ယင်းမှတစ်ဆင့် ရန်ကုန်မြို့သို့ တင်ပို့ရောင်းချကြကြောင်း သခွားစိုက်ပျိုးတောင်သူထံမှသိရပါသည်။
DOCA(ပဲခူး)