၂၆.၁၁.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံးခန်း၌ “အောင်” အမှတ်တံဆိပ် သဘာဝမြေဩဇာထုတ်လုပ်သည့် လုပ်ငန်းရှင်နှင့် တွေ့ဆုံဆွေးနွေးခဲ့သည်။
ထိုသို့ တွေ့ဆုံဆွေးနွေးရာတွင် ပြည်နယ်ဦးစီးမှူးက သဘာဝမြေဩဇာလုပ်ငန်းရှင်အား လုပ်ငန်းလည်ပတ်မှုအခြေအနေ၊ ကုန်ကြမ်းဝယ်ယူစုဆောင်းမှု၊ အသုံးပြုသည့်ကုန်ကြမ်း အမျိုးအစားများ၊ တစ်နေ့ထုတ်လုပ်မှု၊ မြေဩဇာတစ်အိတ်ထုတ်လုပ်ရန်ကုန်ကျစရိတ်၊ အကျိုးအမြတ်၊ ဈေးနှုန်း၊ ဈေးကွက်အခြေအနေများ၊ ကြုံတွေ့ရသောအခက်အခဲများကို ဆွေးနွေးမေးမြန်းရာ လုပ်ငန်းရှင်သည် ကုန်ကြမ်းသုံးစွဲမှုအနေဖြင့် နွားချေး၊ ကြက်ချေး၊ ဝက်ချေး၊ စပါးမှုန်၊ ပဲဖတ်၊ EM(အနုဇီဝပိုးရည်) တို့ကိုအသုံးပြုကြောင်း၊ သဘာဝမြေဩဇာ 50 kg ပါတစ်အိတ်ထုတ်လုပ်ရန် ကုန်ကျစရိတ်မှာ (၁၆၀၀၀)ခန့် ကုန်ကျကြောင်း၊ ရောင်းချရာတွင် တစ်အိတ်လျှင် (၂၀၀၀၀) ကျပ်ဖြင့် ရောင်းချသဖြင့် တစ်အိတ်လျှင် (၄၀၀၀) ကျပ်အမြတ်ကျန်ရှိကြောင်း၊ ထုတ်လုပ်မှုအနေဖြင့် တစ်နေ့လျှင် 50 kg ပါအိတ် (၅၀) ခန့် ထုတ်လုပ်နိုင်ကြောင်း၊ ဈေးကွက်အနေဖြင့် ချောင်းဆုံ၊ မော်လမြိုင်၊ ပေါင်၊ ထားဝယ်မြို့များသို့ တင်ပို့ရောင်းချကြောင်း၊ လုပ်သား (၇) ဦးအား အလုပ်အကိုင်ဖန်တီးပေးနိုင်ကြောင်း၊ အခက်အခဲအနေဖြင့် မတည်ရင်းနှီးငွေအခက်အခဲရှိကြောင်းဆွေးနွေးခဲ့ရာ ပြည်နယ်ဦးစီးမှူးက နိုင်ငံ့စီးပွားမြှင့်တင်ရေးရန်ပုံငွေမှ လုပ်ငန်းရှင်များအား မတည်ရင်းနှီးငွေထုတ်ချေးပေးလျက်ရှိကြောင်း သိရှိရပါသည်။
DOCA(မွန်)