မကျည်းတောပဲမြစ်ကို မန္တလေးတိုင်းဒေသကြီး တံတားဦးမြို့နယ် မကျည်းတောကျေးရွာမှ မကျည်းတောပဲမြစ်အား ဘိုးဘွားဘီဘင်အဆက်ဆက်မှသည် ယနေ့တိုင် တစ်နိုင်တစ်ပိုင်စိုက်ပျိုးခဲ့ကြသည်။ ၎င်းရွာမှထွက်သောပဲမြစ်များသည် အခြားဒေသများမှထွက်သော ပဲမြစ်များထက် အရွယ်အစားသေးပြီး အရသာမှာဆိမ့်၍ စေးပိုင်နေသောကြောင့် ဆောင်းရာသီ ပဲမြစ်ပေါ်ချိန်တွင် မကျည်းတောပဲမြစ်မှာ လူကြိုက်များသော အစားအစာတစ်မျိုးဖြစ်ပြီး၊ ပဲမြစ်မျိုးအနေဖြင့် ဝက်ဝံမျိုး၊မလှိုင်မျိုးများကို အများဆုံးစိုက်ပျိုးကြသည်ဟု သိရှိရပြီး၊ တောင်သူအများစုမှာ နှစ်စဉ် ဩဂုတ်လတွင် စတင်စိုက်ပျိုး၍ အောက်တိုဘာလကုန်နှင့် နိုဝင်ဘာလများတွင် တူးဖော်ရောင်းချကြသည်။
ရွှေဘိုမြို့တွင် ယခု နိုဝင်ဘာလ တတိယပတ်၌ မန္တလေးမြို့ ပွဲရုံများမှ ဝင်ရောက်လာသော ပေါ်ဦးပေါ်ဖျား မန်ကျည်းတောပဲမြစ်များ တစ်ပိဿာလျင် ၇၀၀၀ကျပ်မှ ၉၀၀၀ကျပ်ထိ ဈေးကောင်းရ၍ အရောင်းအဝယ်ဖြစ်နေကြောင်း ရွှေဘိုမြို့ စည်ပင်သာယာဈေးအတွင်း ပဲမြစ်ရောင်းချသူတစ်ဦးမှ သိရှိရပါသည်။
DOCA(စစ်ကိုင်း)