“ကိုဗစ်-၁၉ရန်ပုံငွေမှ ချေးငွေရယူထားသော စီးပွားရေးလုပ်ငန်းရှင်များနှင့် တွေ့ဆုံဆွေးနွေး”

               ကိုဗစ်-၁၉ ရန်ပုံငွေမှထုတ်ပေးထားသည့် ချေးငွေများ အကျိုးရှိစွာ အသုံးချမှုအပေါ် ကျောက်ဆည်ခရိုင် စိစစ်ကြပ်မတ်ရေးအဖွဲ့နှင့် ချေးငွေရယူထားသော စီးပွားရေးလုပ်ငန်းရှင်များ တွေ့ဆုံဆွေးနွေးပွဲကို (၂၃-၄-၂၀၂၂)ရက်နေ့ ၊ နံနက်(၁၀:၀၀)နာရီအချိန်တွင် ကျောက်ဆည်မြို့ ၊ မြန်မာ့စီးပွားရေးဘဏ်ခန်းမ၌ ကျင်းပခဲ့ပါသည် ။ တွေ့ဆုံဆွေးနွေးပွဲတွင် ကျောက်ဆည်ခရိုင် စိစစ်ကြပ်မတ်ရေးအဖွဲ့ ဥက္ကဌ ၊ ကျောက်ဆည်ခရိုင် စားသုံးသူရေးရာဦးစီးဌာန ၊ ခရိုင်ဦးစီးမှူး ဦးကျင်ဌေးက အဖွင့်အမှာစကားပြောကြားရာတွင် ကိုဗစ်-၁၉ရောဂါကြောင့်ဖြစ်ပေါ်နိုင်သည့် စီးပွားရေးသက်ရောက်မှုများအပေါ် ကုစားရေးလုပ်ငန်းကော်မတီမှ ကိုဗစ်-၁၉ကြောင့်ဖြစ်ပေါ်လာသည့် စီးပွားရေးသက်ရောက်မှုများအပေါ် ကုစားရေးလုပ်ငန်းအဖွဲ့ (Tesk - Force)အား စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ဒုတိယဝန်ကြီးခေါင်းဆောင်သော အဖွဲ့ဝင်(၈)ဦးဖြင့် ဖွဲ့စည်းခဲ့ ကြောင်း ၊ မိမိတို့ခရိုင်စိစစ်ကြပ်မတ်ရေးအဖွဲ့အား မန္တလေးတိုင်းဒေသကြီးအစိုးရအဖွဲ့မှ ဖွဲ့စည်း တာဝန်ပေးအပ်ထားခြင်းဖြစ်ကြောင်း၊ ၄င်းအဖွဲ့တွင် ခရိုင်စားသုံးသူရေးရာဦးစီးဌာန၊ ခရိုင်ပြည်တွင်း အခွန်များဦးစီးဌာန ၊ မြန့်မာ့စီးပွားရေးဘဏ်များမှ ခရိုင်အဆင့် ဌာနဆိုင်ရာအကြီးအကဲများနှင့် မန္တလေးတိုင်းဒေသကြီး၊ကုန်သည်များနှင့်စက်မှုလက်မှုလုပ်ငန်းရှင်များအသင်းမှ ဒုတိယ ဥက္ကဌ(၁) တို့ပါဝင်ကြောင်း၊ ခရိုင်စိစစ်ကြပ်မတ်ရေးအဖွဲ့ဖွဲ့စည်းသလို တိုင်းဒေသကြီးစိစစ်ကြပ်မတ်ရေးအဖွဲ့အားလည်း ဖွဲ့စည်းခဲ့ကြောင်း၊ မိမိတို့အဖွဲ့အနေဖြင့် ချေးငွေရယူထားသည့် သက်ဆိုင်ရာ ကုမ္ပဏီ အဖွဲ့အစည်းနှင့် လူပုဂ္ဂိုလ်များ၏အမည်စာရင်းများပြုစုခြင်း ၊ ချေးငွေထုတ်ယူရရှိမှုအခြေအနေနှင့် အသုံးပြုထားမှုအခြေအနေ၊ လုပ်ငန်းလည်ပတ်မှုအလုပ်အကိုင်ခန့်ထားမှု၊ ချေးငွေများပြန်လည်ပေးဆပ်ရန် ပြင်ဆင်ထားရှိမှု၊ ဝင်ငွေရရှိမှုနှင့်ချေးငွေအသုံးပြုမှုအပေါ်ရရှိလာသည့် အရှုံးအမြတ်အခြေ အနေနှင့်သတ်မှတ်ကာလအတွင်း အတိုးနှင့်အရင်း အပြီးအပြတ်ပေးဆပ်နိုင်ရေးအတွက် စိစစ် ဆောင်ရွက်သွားမှာဖြစ်ကြောင်းရှင်းလင်းဆွေးနွေးခဲ့ပါသည်။ဆက်လက်၍ ခရိုင်စိစစ်ကြပ်မတ်ရေး အဖွဲ့အတွင်းရေးမှူး ကျောက်ဆည်မြို့ ၊ မြန်မာ့စီးပွားရေးဘဏ် ၊ ခရိုင်မန်နေဂျာ ဦးဝင်းနိုင်က ပြောကြားရာတွင် ကိုဗစ်-၁၉ရောဂါကြောင့် ဖြစ်ပေါ်နိုင်သည့် စီးပွားရေးသက်ရောက်မှုများအပေါ် ကုစားရေးလုပ်ငန်းကော်မတီ၏ကိုဗစ်-၁၉ရန်ပုံငွေမှကိုဗစ်-၁၉ကြောင့်စီးပွားရေးထိခိုက်မှုအများဆုံး ခံစားရသည့်စီးပွားရေးလုပ်ငန်းရှင်များသို့ ၂၀၂၀ပြည်နှစ်၊ ဧပြီလမှစ၍ အတိုးနှုန်းသက်သာသောချေးငွေများအား အသုတ်လိုက်ထုတ်ချေးခဲ့ပြီး ချေးငွေသက်တမ်းမှာ (၁)နှစ်ဖြစ်ကြောင်း၊ အဆိုပါ ချေးငွေများအား ပြည်တွင်းရှိ စီးပွားရေးလုပ်ငန်းရှင်များ အဆင်ပြေချောမွေ့စေရေးအတွက် နိုင်ငံတော်မှချေးငွေရယူထားသူများအနေဖြင့် ချေးငွေပြန်ဆပ်ရန်ကာလကို ချေးငွေကာလသက်တမ်း (၁)နှစ်စေ့ရောက်သည့်နေ့မှစ၍ နောက်ထပ်(၆)လ (၂)ကြိမ် သက်တမ်းတိုးပေးခဲ့ပြီးဖြစ်ကြောင်း ၊ ယခုအခါ ချေးငွေများပြန်လည်ပေးဆပ်ရန်အချိန်နီးကပ်လာပြီဖြစ်ပြီး အပြည့်အဝပြန်လည်ပေးဆပ်ရန်လိုကြောင်း ရှင်းလင်းဆွေးနွေးခဲ့ပြီး ကျောက်ဆည်ခရိုင် ၊ ပြည်တွင်းအခွန်များဦးစီးဌာန ၊ ခရိုင်ဦးစီးမှူး ဦးလှငွေက စီးပွားရေးလုပ်ငန်းရှင်များအပေါ် အခွန်စည်းကြပ်မှုအခြေအနေများအား အသေးစိတ်ရှင်းလင်းဆွေးနွေးခဲ့ပြီး တွေ့ဆုံဆွေးနွေးပွဲအား နံနက်(၁၁:၃၀)နာရီ အချိန်တွင်ရုတ်သိမ်းခဲ့ပါသည်။ ကိုဗစ်-၁၉ ရန်ပုံငွေမှထုတ်ပေးထားသည့် ချေးငွေများ အကျိုးရှိစွာအသုံးချမှုအပေါ် ကျောက်ဆည်ခရိုင် စိစစ်ကြပ်မတ်ရေးအဖွဲ့ နှင့် ချေးငွေရယူထား သောစီးပွားရေးလုပ်ငန်းရှင်(၂၅)ဦး တက်ရောက်ခဲ့ကြောင်းသတင်းရရှိပါသည်။

DOCA(မန္တလေး)