ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၌စားသုံးသူပြည်သူများ၏ အခြေခံစားသောက်ကုန်များဖြစ်သည့် ကြက်ဥများအားသက်သာသောဈေးနှုန်းဖြင့် နိုဝင်ဘာလ(၂၈) ရက်နေ့၊ နေ့လယ်(၁၄:၀၀)နာရီအချိန်တွင် သုံးခွမြို့နယ်ရပ်ကွက်များသို့ လှည့်လည်ဖြန့်ဖြူးရောင်းချပေးခဲ့ကြောင်း သိရသည်။
ထိုသို့ဖြန့်ဖြူးရောင်းချခဲ့ရာတွင် မြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးမှူးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူ ရေးရာဦးစီးဌာနတို့ပူးပေါင်း၍ စားသုံးသူပြည်သူများသက်သာသောဈေးနှုန်းများဖြင့် ဝယ်ယူရရှိနိုင်ရေးအတွက် သက်ဆိုင်တာဝန်ရှိသူများ၏ ပေါင်းစပ်ညှိနှိုင်းဆောင်ရွက်ပေးမှုအရ သုံးခွမြို့နယ်ရှိ ရပ်ကွက်များသို့သွားရောက်၍ ကြက်ဥတစ်လုံးလျှင်ငွေကျပ်(၃၈၀)ကျပ်နှုန်း (၁၀)လုံး(၃၈၀၀) ကျပ်တို့ဖြင့် ပြည်သူများမည်သူမဆိုလွတ်လပ်စွာဝယ်ယူနိုင်ရေး ရောင်းချပေးခဲ့ကြောင်းနှင့် နောက်ရက်များတွင်လည်း ဆက်လက်ရောင်းချပေးသွားရန် စီစဉ်ထားကြောင်းသိရှိရပါသည်။
DOCA(ရန်ကုန်)