လစ်ဗျာနိုင်ငံ၏ နေ့စဉ်ရေနံထုတ်လုပ်မှုသည် အင်္ဂါနေ့၊ ၃.၁၂.၂၀၂၄ တွင် စည်ပေါင်း ၁.၄ သန်းကျော်လွန်သွားခဲ့ကြောင်း နိုင်ငံပိုင် အမျိုးသားရေနံကော်ပိုရေးရှင်း (NOC) မှ ပြောကြားခဲ့သည်။ ယင်းသည် ၂၀၁၃ ခုနှစ်နောက်ပိုင်း ရေနံထုတ်လုပ်မှုအမြင့်ဆုံးအဆင့် ဖြစ်ကြောင်း NOC မှ ထုတ်ပြန်ချက်တွင် ဖော်ပြထားသည်။ ရေနံစိမ်းနှင့် ကွန်ဒန်ဆိတ် ထုတ်လုပ်မှုသည် စည်ပေါင်း ၁.၄ သန်းကျော်သို့ ရောက်ရှိခဲ့ပြီး ဓါတ်ငွေ့ ထွက်ရှိမှုမှာ စည်ပေါင်း ၂၀၀၀၀၀ ဝန်းကျင်သို့ ရောက်ရှိခဲ့ပြီး စုစုပေါင်း စည်ပေါင်း ၁.၆ သန်းအထိရှိလာကြောင်း ထုတ်ပြန်ချက်တွင် ဖော်ပြထားသည်။ နိုင်ငံ၏ စီးပွားရေးတည်ငြိမ်လာစေရန် ရေနံထုတ်လုပ်မှုတိုးမြင့်လာအောင် အချိန်နာရီနှင့်အမျှ ကြိုးစားအလုပ်လုပ်နေကြသော အမျိုးသားအလုပ်သမားများမပါဘဲ အောင်မြင်မှုရှိလာမည် မဟုတ်ကြောင်း NOC မှ ပြောကြားခဲ့သည်။ လစ်ဗျာဝန်ကြီးချုပ် Abdul-Hamed Dbeibah က လစ်ဗျာနိုင်ငံသည် ၂၀၂၅ ခုနှစ် နှစ်ကုန်ပိုင်းတွင် နေ့စဉ်ရေနံနှင့် သဘာဝဓါတ်ငွေ့ ထုတ်လုပ်မှုကို စည်ပေါင်း ၂ သန်းအထိ မြှင့်တင်ရန် စီစဉ်လျက်ရှိကြောင်း သိရသည်။
Source : Xinhua
DOCA(ရန်ကုန်)