တောင်ငူမြို့နယ် ကျွန်းကုန်းကျေးရွာအုပ်စု ချင်းကုန်းကျေးရွာတွင် ဒေသကြက်မွေးမြူရေးလုပ်ငန်းမှ ဒေသကြက် အကောင် ၁၂၀၀ ကို မွေးမြူထားကြောင်းသိရသည်။ ကြက်မများကို ဥနှုန်းကျချိန်တွင် ထုတ်ရောင်းပြီး ကြက်ဖများကိုမူ မွေးမြူပြီး ၃ လအကြာတွင် ထုတ်ရောင်းရကြောင်းသိရသည်။
ကြက်မွေးမြူရေးအတွက် လိုအပ်သောကြက်ပေါက်များကို ယခင်က မန္တလေးမြို့တွင် မှာယူရသော်လည်း ယခုအခါတွင် တောင်ငူမြို့ ဧဒင်ကြက်မွေးမြူရေးခြံမှ တစ်ကောင်လျှင် ၁၈၀၀ ကျပ်ဖြင့် ဝယ်ယူရပါသည်။ ကြက်အစာတစ်အိတ်ကို ဆန်ကွဲ(၂)အိတ်နှင့်ရောပြီး လေးရက်ခန့်ကျွေးရကြောင်းသိရသည်။
ကြက်များကို အချိန်တစ်ပိဿာလျှင် ၁၈၅၀၀ ကျပ်နှုန်းဖြင့် ရန်ကုန်မြို့ရှိကြက်ဒိုင်များက လာရောက်ဝယ်ယူကြောင်း၊ ကြက်ဥများကို တစ်လုံးလျှင် ၆၅၀ ကျပ်နှုန်းဖြင့် မန္တလေးမြို့သို့တင်ပို့ရောင်းချရကြောင်း လုပ်ငန်းရှင်ဒေါ်ရီမြင့်၏ ပြောပြချက်အရသိရပါသည်။
DOCA(ပဲခူး)