စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများဖြစ်သည့် ကာဘိုး၊ ဇီးကုန်း၊ ထန်းကုန်းကျေးရွာများတွင် ပန်းဂေါ်ဖီကို စိုက်ပျိုးကာ လှိုင်လှိုင်ထွက်ရှိပြီး ကန့်ဘလူမြို့နှင့် ကျွန်းလှမြို့ ဈေကွက်အတွင်းသို့ ပို့ဆောင်ရောင်းချကြပါသည်။ ကန့်ဘလူမြို့ မြို့မဈေးတွင် စားဝတ်နေရေးအတွက် ကုန်စိမ်းရောင်းချနေသူများသည် ပန်းဂေါ်ဖီများကို ယခင်လများတွင် မန္တလေးမြို့နှင့် ရှမ်းပြည်နယ်တို့မှ မှာယူရောင်းချရပြီး ယခုနိုဝင်ဘာလကုန် ဒီဇင်ဘာလလဆန်းပိုင်းတွင် ဒေသတွင်းထွက်ရှိသည့် ပန်းဂေါ်ဖီများကိုသာ ဝယ်ယူရောင်းချလျက်ရှိပြီး ပန်းဂေါ်ဖီပွင့်များကို အပွင့်အကြီး/အသေးသောင်းပြောင်းဝယ်ယူကာ ဖောက်သည်ဈေးနှုန်းအနေဖြင့် ပန်းဂေါ်ဖီ တစ်ပွင့်လျှင် (၂၀၀၀)ကျပ်ဖြင့် ဝယ်ယူရပြီး စားသုံးသူပြည်သူမျာကို ပြန်လည်ရောင်းချသည့် ဈေးနှုန်းမှာ နိုဝင်ဘာလတွင် ဂေါ်ဖီထုပ် အကြီး / အသေးပေါ် မူတည်၍ တစ်ထုပ်လျှင် (၃၅၀၀/၄၀၀၀)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ယခုဒီဇင်ဘာလအတွင်းတွင် ပန်းဂေါ်ဖီ(အကြီး) တစ်ပွင့်လျှင်(၃၀၀၀)ကျပ်၊ ပန်းဂေါ်ဖီ (အလတ်)တစ်ပွင့်လျှင်(၂၅၀၀)ကျပ်နှင့် ဂေါ်ဖီထုပ်(အသေး) တစ်ပွင့်လျှင်(၂၀၀၀)ကျပ်ဈေးရှိခဲ့ပြီး ယခင်အောက်တိုဘာလ ဈေးနှုန်းနှင့် နှိုင်းယှဉ်လျှင် အနည်းငယ်ကျဆင်းလျက်ရှိကြောင်း ကုန်စိမ်းသီးနှံအစုံ ရောင်းချသူများထံမှ သိရပါသည်။
DOCA(စစ်ကိုင်း)