ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ်သည်သီးနှံမျိုးစုံစိုက်ပျိုးထွက်ရှိသော မြို့နယ်ဖြစ်သည်။ ယခုအခါတွင် ပဲပုတ်သီးနှံများဖြစ်ထွန်းအောင်မြင်နေပြီဖြစ်ရာ ပဲပုတ်စိုက်တောင်သူများအနေဖြင့် မြို့ပေါ်ကုန်သည်များထံသို့ ၎င်းနီးစလပ်ရာမြို့များသို့ သွားရောက်ရောင်းချခြင်းဖြင့်လည်းကောင်း ၊မြို့ပေါ်ကုန်သည်များ ကွင်းအရောက်ဆင်းကာဝယ်ယူခြင်းဖြင့်လည်းကောင်း၊ အရောင်းအဝယ်ဖြစ်နေလျက်ရှိပါသည်။ မြို့ပေါ်ကုန်သည်ကြီးများအနေဖြင့် တောင်သူများထံမှပွဲရုံအရောက် ပိဿာ (၂၀) တစ်တင်း လျှင် ၁၄၄၀၀ကျပ်ဖြင့် ဝယ်ယူပေးလျက်ရှိပြီး ယခုအခါမြို့ပေါ်ကုန်သည်ကြီးများအနေဖြင့် တစ်နေ့လျှင် အိတ်ရေ (၃၀၀၀) ခန့်ဝယ်ယူရရှိနေပါသည်။ ဝယ်ယူရရှိသောပဲပုတ်များအား ရန်ကုန်မြို့ရှိထောက်ကြန့် အစာစပ်စက်ရုံ (CP)စာစက်ရုံသို့၎င်း၊ မြောင်းတကာ ကြက်၊ ဝက်အစာစက်ရုံများသို့လည်းကောင်း၊ အိတ်လုံးရေ(၂၅၀)အိတ်ဆန့်တွဲကားကြီးများဖြင့်လည်းကောင်း၊ အိတ်လုံးရေ(၃၅၀) အိတ်ဆန့်ကားများဖြင့်လည်းကောင်း တင်ပို့ရောင်းချလျက်ရှိရာ ပေါက်ဈေးပိဿာ (၂၀)တစ်တင်း လျှင်(၁၇၄၀၀) ကျပ်ဈေးဖြင့်ရောင်းချရကြောင်း မိုးညိုမြို့ပေါ်ရှိ ပွဲရုံများသို့ကွင်းဆင်း ဆောင်ရွက်မှုများအရ သိရှိရပါသည်။
DOCA(ပဲခူး)