“ဆေးဆိုင်များတွင်ဆေးဝါးများ ပြတ်လပ်မှုမရှိစေရေးနှင့်ဈေးနှုန်းများ မှန်ကန်စွာရောင်းချနိုင်ရေး ကွင်းဆင်းဆောင်ရွက်ခြင်း”

              ရန်ကုန်တိုင်းဒေသကြီး၊ သန်လျင်ခရိုင် ခရမ်းမြို့နယ်အတွင်း၌ရောင်းချလျက်ရှိသည့် ဆေးဆိုင်များတွင် ဆေးဝါးများပြတ်လပ်မှုမရှိစေရေးနှင့် ဈေးနှုန်းမှန်ကန်စွာရောင်းချနိုင်ရေး  စားသုံးသူရေးရာဦးစီးဌာနနှင့် ပူးပေါင်းစစ်ဆေးရေးအဖွဲ့သည် ဒီဇင်ဘာ(၄)ရက်နေ့၊ နံနက် (၁၀:၃၀)အချိန်တွင် ဈေးကွက်အတွင်းကွင်းဆင်းစစ်ဆေးခဲ့ကြောင်း သိရသည်။

             ထိုသို့ဈေးကွက်အတွင်းကွင်းဆင်းစစ်ဆေးခဲ့ရာတွင် မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနတို့ပူးပေါင်း၍ ခရမ်းမြို့နယ်အတွင်းရှိ ရွှေဇင်ယော်ဆေးဆိုင်၊ သီတဂူဆေးဆိုင်များတွင် ဖြန့်ဖြူးရောင်းချပေးလျက်ရှိသော ဆေးဝါးများအနက် ကာလကြာရှည်စွာ သုံးစွဲနေရသည့်ဆေးဝါးများဖြစ်သော သွေးတိုးကျဆေး၊ သွေးကျဲဆေး၊ အကိုက်အခဲ ပျောက်ဆေး၊ ဆီးချိုဆေး၊ နှလုံးဆေး၊ လေဆေး၊ အာရုံကြောဆေးစသည့် စားသုံးသူပြည်သူများ ပုံမှန်သောက်သုံးနေရသည့်ဆေးဝါးများ ပြတ်လပ်မှုမရှိစေရေး ဈေးနှုန်းမြှင့်တင် ရောင်းချ နေခြင်းများ မဖြစ်စေရေးနှင့် ဈေးနှုန်းမှန်ကန်စွာရောင်းချနိုင်ရေးတို့အား ကွင်းဆင်းစစ်ဆေးပြီး ဈေးကစားရန်ရည်ရွယ်ချက်ရှိရှိဖြင့် သိုလှောင်ထားခြင်းများမပြုလုပ်ကြရန်နှင့် ဈေးနှုန်းများ အဆမတန်မြှင့်တင်ဖြန့်ဖြူးရောင်းချခြင်းများမပြုလုပ်ကြရန် အသိပညာပေးဆွေးနွေး ပြောကြားခဲ့ကြောင်းသိရှိရပါသည်။

DOCA(ရန်ကုန်)