ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ ဆန်ဆိုင်များအား ဆန်အမျိုးအစားအလိုက် ဖြန့်ဖြူးရောင်းချနေမှုအခြေအနေအား ဒီဇင်ဘာလ(၅)ရက်နေ့၊ နံနက်(၁၀:၃၀)အချိန်တွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့သည် ခရမ်းမြို့နယ် (၂)ရပ်ကွက်ရှိ ဒေါ်သောင်းသောင်းဆန်ဆိုင်တွင် ရောင်းချလျက်ရှိသော ဆန်အမျိုးအစားအလိုက် ဆန်အခြေအနေများအား စာရင်းကောက်ယူခြင်းနှင့် ဆိုင်ပိုင်ရှင်စီးပွားရေးလုပ်ငန်းရှင်များအနေဖြင့် အခြေခံစားသောက်ကုန်ပစ္စည်းများထဲမှ စားသုံးသူပြည်သူများ၏ အဓိကစားကုန်ဆန် ဈေးနှုန်းများသည် အောက်တိုဘာလအစောပိုင်းတွင် တည်ငြိမ်လျက်ရှိပြီး လက်ရှိအချိန်တွင် ဈေးနှုန်းမြှင့်တင်ရောင်းချနေကြောင်း အချို့ဒေသများတွင်ဖြစ်ပေါ်နေသည်ဟု သတင်းရရှိလာမှုအပေါ် ခရမ်းမြို့နယ်ဆန်ဆိုင်ပိုင်ရှင်များအနေဖြင့် ဆန်အမျိုးအစားအလိုက် သတ်မှတ်ထား သော သတ်မှတ်ရည်ညွှန်းဈေးထက် ဈေးနှုန်းများထက်မပိုသော ဈေးနှုန်းများဖြင့်သာ ဖြန့်ဖြူးရောင်းချပေးကြရန် အသိပညာပေးဆွေးနွေးပြောကြားပေးခဲ့ပြီး ၎င်းတို့အနေဖြင့် ဝယ်ယူ သည့်နေရာ၊ ကုမ္ပဏီ၊ လုပ်ငန်း၊ သိုလှောင်သည့်နေရာ ဆန်အမျိုးအစားအလိုက် ယခင်လ ဈေးနှုန်း၊ ယခုလဈေးနှုန်းများအား စာရင်းကောက်ယူ ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)