Online ပေါ်တွင် အကိုက်အခဲရောဂါပေါင်းစုံပျောက်သည်ဟုဆိုကာ ရောင်းချနေသော ဆေးများရှိသဖြင့် မြန်မာနိုင်ငံတွင်လည်း တရားဝင်မှတ်ပုံတင်ထားခြင်းမရှိသော ဆေးပစ္စည်းများ ရောင်းချခြင်းရှိ/မရှိနှင့် စားသုံးသူပြည်သူများဘေးဥပါဒ်အန္တရာယ်ကင်းရှင်းစေရန် ရည်ရွယ်၍ စားသုံးသူရေးရာဦးစီးဌာန၊ ရုံးချုပ်၏ ညွှန်ကြားချက်အရ (၄.၅.၂၀၂၂)ရက်နေ့ နံနက် ၁၀:၀၀ နာရီ အချိန်တွင် စစ်ကိုင်းတိုင်းဒေသကြီး၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများက ဦးဆောင်၍ သက်ဆိုင်ရာမိတ်ဖက်ဌာနများဖြစ်သော တိုင်းဒေသကြီးအစားအသောက်နှင့်ဆေးဝါး ကွပ်ကဲရေးဦးစီးဌာန၊ ခရိုင်တိုင်းရင်းဆေးကုဌာနတို့မှ တာဝန်ရှိသူများနှင့်အတူ မုံရွာမြို့ပေါ်ရှိ မြန်မာတိုင်းရင်းဆေးဆိုင်များ၊ နိုင်ငံခြားဆေးနှင့်ဆေးပစ္စည်းအရောင်းဆိုင်များသို့ သွားရောက်၍ အဆိုပါ တရားဝင်မှတ်ပုံတင်ထားခြင်းမရှိသော ဆေးပစ္စည်းများအား တင်သွင်း/ရောင်းချနေခြင်း ရှိ/မရှိ စစ်ဆေးခဲ့ကြပြီးတင်သွင်းခြင်း၊ ဖြန့်ဖြူးခြင်း၊ ရောင်းချခြင်းမပြုရန် အသိပညာပေးဆွေးနွေးမှုများ ပြုလုပ်ခဲ့ကြောင်း သတင်းရရှိပါသည်။
DOCA(စစ်ကိုင်း)