ထိုင်းနိုင်ငံအစိုးရအနေဖြင့် ၂၀၂၄ ခုနှစ်တွင် စီးပွားရေး ၂.၈ % ဖွံ့ဖြိုးတိုးတက်နိုင်ရေး စီစဉ်ဆောင်ရွက်လျက်ရှိရာ ပုဂ္ဂလိကစီးပွားရေးလုပ်ငန်းများ၊ ခရီးသွားလာရေးကဏ္ဍနှင့် အစိုးရ ရင်းနှီးမြှုပ်နှံမှုကဏ္ဍများတွင် ဖွံ့ဖြိုးတိုးတက်လာသော်လည်း ပြုပြင်ပြောင်းလဲမှုများ လုပ် ဆောင်ရန် လိုအပ်လျက်ရှိသေးကြောင်း ထိုင်းအာဏာပိုင်အဖွဲ့မှ ပြောကြားခဲ့သည်။ ထို့ပြင် The ASEAN +3 Macroeconomic Research Office (AMRO) မှလည်း ထိုင်းနိုင်ငံအနေဖြင့် စီးပွားရေးဖွံ့ဖြိုးတိုးတက်ရေး အလားအလာကောင်းများ ဖြစ်ပေါ်လာစေရန် စိန်ခေါ်မှုများစွာ ရှိနေသေးကြောင်း ပြောကြားခဲ့ပါသည်။ အဖွဲ့၏ အစီရင်ခံစာတွင် ထိုင်းနိုင်ငံအနေဖြင့် စီးပွားရေးဖွံ့ဖြိုးတိုးတက်မှုကို ထိန်းသိမ်းထားနိုင်ရန်နှင့် စီးပွားရေးလုပ်ငန်းများ အားနည်း ဆိုးရွားမှုများ မဖြစ်ပေါ်စေရန်အတွက် နိုင်ငံစီးပွားရေး၏ အဓိကအခန်း ကဏ္ဍများနှင့် ငွေကြေး မူဝါဒများတွင် ပြုပြင်ပြောင်းလဲမှုများစွာ ပြုလုပ်ရန် လိုအပ်ကြောင်း ရေးသားခဲ့သည်။
ထိုင်းနိုင်ငံအနေဖြင့် လက်ရှိအချိန်တွင် ပို့ကုန်တင်ပို့မှုတွင် အားနည်းလျက်ရှိသလို အစိုးရ၏ အဓိကစီးပွားရေးကဏ္ဍများတွင် ငွေကြေးထောက်ပံ့မှုများ နည်းပါးလျက်ရှိသော ကြောင့် နိုင်ငံ၏အိမ်ထောင်စုအလိုက် ကြွေးမြီတင်ရှိမှုနှင့် ဝင်ငွေနည်းပါးမှုရလဒ်များ ဖြစ်ပေါ် လျက်ရှိကြောင်း အဖွဲ့၏ အစီရင်ခံစာအရသိရှိရပါသည်။ ထိုင်းနိုင်ငံအနေဖြင့် လိုအပ်သော စီးပွားရေးဆိုင်ရာပြုပြင်ပြောင်းလဲမှုများ ပြုလုပ်ခြင်းမရှိပါက ရေရှည်အနာဂတ်ကာလတွင် နိုင်ငံ၏ကြွေးမြီကိစ္စရပ်များနှင့် Digital စီးပွားရေးကဏ္ဍများတွင်ပါ ထိခိုက်လာနိုင်ဖွယ်ရှိ ကြောင်း သိရှိရပါသည်။
The ASEAN +3 Macroeconomic Research Office (AMRO)အဖွဲ့၏ အကြံပြုချက်အရ ထိုင်းနိုင်ငံအနေဖြင့် မက်ခရိုငွေကြေးပိုင်းဆိုင်ရာမူဝါဒများတွင် ပြန်လည် ပြုပြင်ရေးဆွဲခြင်း၊ လူထု၏ အိမ်ထောင်စုအလိုက် ကြွေးမြီများလျော့ချနိုင်ရေးစီစဉ် ဆောင်ရွက်ခြင်း၊ ငွေကြေးမူဝါဒ နှင့် အခွန်ကောက်ခံခြင်းမူဝါဒများ တောင့်တင်းခိုင်မာစေရေး ပြုပြင်ပြောင်းလဲခြင်း၊ အစိုးရအနေဖြင့် အဓိကစီးပွားရေးလုပ်ငန်းများတွင် ငွေကြေးကူညီ ထောက်ပံ့ခြင်း၊ လုပ်ငန်းများတီထွင်ဆန်းသစ်နိင်စေရေး ဆောင်ရွက်ခြင်းနှင့် လူသားအရင်း အမြစ်ဖွံ့ဖြိုးတိုးတက်စေရေး ဆောင်ရွက်ခြင်း စသည့် ပြုပြင်ပြောင်းလဲမှုများကို လုပ်ဆောင် ပါက ထိုင်းနိုင်ငံအနေဖြင့် ရေရှည်စီးပွားရေးဖွံ့ဖြိုးတိုးတက်လာမည် ဖြစ်ကြောင်း သိရှိရပါ သည်။ အဖွဲ့၏ အကြံပြုချက်များအရ ထိုင်းနိုင်ငံအနေဖြင့် အခြေခံအဆောက်အဦများ ဖွံ့ဖြိုး တိုးတက်စေရေး မှန်ကန်သောပြုပြင်ပြောင်းလဲမှုများ လုပ်ဆောင်ပါက ပြည်သူလူထု အနေဖြင့် ဝင်ငွေရရှိမှုများတိုးတက်လာနိုင်မှာ ဖြစ်သလို နိုင်ငံအနေဖြင့် ၂၀၄၀ ပြည့်နှစ်ကာလများမှာ စီးပွားရေးပိုမိုတိုးတက်မှုများ ဖြစ်ပေါ်လာနိုင်ကြောင်း သိရှိရသလို ပြုပြင်ပြောင်းလဲမှုများ ပြုလုပ်ရာမှာလည်း အစိုးရအနေနဲ့ ပုဂ္ဂလိကစီးပွားရေးလုပ်ငန်းရှင် များနှင့် ပူးပေါင်း ဆောင်ရွက်၍ ရင်းနှီးမြှုပ်နှံမှုများ ပြုလုပ်သင့်ကြောင်း သိရှိရပါသည်။
Sources: Thailand Business News
DOCA(မန္တလေး)