၁၁.၁၂.၂၀၂၄ ရက်နေ့ နံနက်(၀၈:၅၀)နာရီအချိန်၌ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ထန်းတပင်မြို့နယ်၊ လှိုင်သာယာ(အရှေ့ပိုင်း)နှင့် (အနောက်ပိုင်း)မြို့နယ်များတွင် ဆန်ရောင်းချခြင်းနှင့်ပတ်သက်၍ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်းသိရသည်။
ထိုသို့ဆောင်ရွက်ခဲ့ရာတွင် ထန်းတပင်မြို့နယ် မြို့မဈေး၊ လှိုင်သာယာ(အရှေ့ပိုင်း) မြို့နယ် အမှတ်(၅)ဈေးနှင့် လှိုင်သာယာ(အနောက်ပိုင်း)မြို့နယ် အမှတ်(၂၀)ဈေးများရှိ ဈေးတာဝန်ခံများ ပူးပေါင်းပါဝင်လျက် ဈေးအတွင်းရောင်းချနေသော ဆန်ဆိုင်များအားလုံးတို့တွင် ရက်(၉၀)၊ ပေါ်ဆန်း မွှေး(ရွှေဘို/ဧရာဝတီ)၊ ဇီယာ၊ အညာသား၊ ကျားပျံနှင့်ဧည့်မထ စသည့်ဆန်များ ရောင်းချလျက်ရှိပြီး ဆန်အားလုံးကိုလည်း သတ်မှတ်ဈေးများအတိုင်း ရောင်းချလျက်ရှိကြောင်း ဆန်များကို ဈေးနှုန်းအဆမတန်ရောင်းချမှုမရှိစေရေးနှင့် ရောင်းချခြင်း တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခြင်းခံရမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA(ရန်ကုန်)