MOC သည် ကမ္ဘာ့ဈေးကွက်များတွင် အဓိကထုတ်ကုန်များကို အရောင်းမြှင့်တင်ရန်ကြိုးပမ်း

        စီးပွားရေးနှင့်ကူးသန်းရောင်ဝယ်ရေးဝန်ကြီးဌာနသည် ကမ္ဘောဒီးယားနိုင်ငံတွင်ပြုလုပ် ထားသည့်ကုန်ပစ္စည်းများကို ပြည်တွင်း၌သာမက နိုင်ငံတကာသို့အသိအမှတ်ပြုမှုမြှင့်တင် သွားမည်ဖြစ်ကြောင်း MOC မှထိပ်တန်းအရာရှိတစ်ဦးက ပြောကြားခဲ့သည်။ MOC သည် အဓိက ကျသောကမ္ဘာ့ဈေးကွက်များတွင် ဆွဲဆောင်မှုအားကောင်းသည့် အလားအလာရှိသော ထုတ်ကုန် (၁၀) ခုကို ရည်မှန်းရန် အဓိက ပုဂ္ဂလိက ကဏ္ဍများနှင့်ပူးပေါင်းဆောင်ရွက်သွားမည်ဖြစ်ကြောင်း နိုင်ငံခြားရေးဝန်ကြီးနှင့် MOC ၏ပြောရေးဆိုခွင့်ရှိသူ Penn Sovicheat ကပြောကြားခဲ့သည်။ အဆိုပါ ကုန်စည် (၁၀) မျိုးတွင် စပါး၊ သီဟိုဠ်စေ့၊ ငရုတ်သီး၊ သရက်သီး၊ ငှက်ပျော်းသီးအဝါ၊ Pailin longan (တောင်ဆိတ်သီး)၊ ပီလောပီနံ၊ ပျားရည်၊ ဆားနှင့် အုန်းသီးတို့ပါဝင်သည်။ ကမ္ဘောဒီးယားနိုင်ငံသည် သွင်းကုန်များအပေါ်တွင် မှိခိုနေခြင်းမရှိတော့ဘဲ ၎င်းတို့ကို အသေးစားနှင့် အလတ်စားလုပ်ငန်းများကို ပံ့ပိုးပေးရန်၊ ဒေသထွက်ကုန်များကို အားကောင်း လာစေရန်နှင့် ကမ္ဘောဒီးယား ထုတ်ကုန်များ၏ အရည်အသွေးနှင့် ထုတ်ပိုးမှုတို့ကို အသိအမှတ်ပြုရန် ဆက်လက်ပြောကြားခဲ့သည်။ ကမ္ဘောဒီးယားဆန်သည် မကြာမီသေးက ကမ္ဘာ့ အကောင်းဆုံးဆန်အဖြစ် အသိမှတ်ပြုခံခဲ့ရကြောင်း၊ အလားတူ သီဟိုဠ်စေ့နှင့် ပီလောပီနံတို့ကို အရည်အသွေးမြင့်ထုတ်ကုန်များအဖြစ် နိုင်ငံတကာမှ ဝယ်ယူသူများ၏ စိတ်ဝင်စားမှုကို ဆွဲဆောင်နိုင်ခဲ့ကြောင်း Sovichea က မှတ်ချက်ပြုခဲ့သည်။ ထိုထုတ်ကုန်အားလုံးအတွက် တော်ဝင်အစိုးရအနေဖြင့် ထုတ်လုပ်မှုပမာဏမြှင့်တင်ရန်၊ အရည်အသွေးစံချိန်စံညွှန်းများ ကောင်းမွန်စေရန်နှင့် အချောထည်ထုတ်ကုန်များကိုတင်ပို့နိုင်ရန် နှင့်စီမံဆောင်ရွက်ရေးတို့ကို မြှင့်တင်ရန်ပြင်ဆင်ထားကြောင်း ထပ်မံပြောကြားခဲ့သည်။

DOCA(ရန်ကုန်)