ကမ္ဘောဒီးယားနိုင်ငံသည် ၂၀၂၄ ခုနှစ်၊ ပထမ (၁၁) အတွင်း အမေရိကန်ဒေါ်လာ ၂၃.၉၃ ဘီလီယံတန်ဖိုးရှိ ကုန်ပစ္စည်းများတင်ပို့ခဲ့ပြီး ၂၀၂၃ ခုနှစ်အလားတူကာလထက် ၁၆.၈ ရာခိုင်နှုန်း တိုးတက်လာခဲ့ကြောင်း အကောက်ခွန်နှင့် ကုန်စည်စီးဆင်းမှုဦးစီးဌာနမှ ထုတ်ပြန်သည့် အစီရင် ခံစာအရသိရသည်။ အဓိကတင်ပို့သည့် ကုန်ပစ္စည်းများတွင် အထည်ချုပ်၊ ဖိနပ်၊ ခရီးသွား ကုန်ပစ္စည်းများ၊ စက်ဘီးများ၊ ကားတယာများ၊ ဆန်၊ ရာဘာ၊ ပီလောပီနံ၊ ငှက်ပျောသီးနှင့် သရက်သီးတို့ပါဝင်ကြောင်း အစီရင်ခံစာတွင်ဖော်ပြထားသည်။ အရှေ့တောင်အာရှနိုင်ငံများ အတွက် ထိပ်တန်းတင်ပို့သည့်နိုင်ငံ (၅) နိုင်ငံသည် အမေရိကန်၊ ကနေဒါ၊ ဗီယက်နမ်၊ တရုတ်နှင့် ဂျပန်နိုင်ငံတို့ဖြစ်ကြောင်း အစီခံစာအရသိရသည်။ ကမ္ဘောဒီးယားနိုင်ငံသည် ၂၀၂၄ ခုနှစ်၊ ဇန်နဝါရီလမှနိုဝင်ဘာလအတွင်း စုစုပေါင်းသွင်းကုန်ဒေါ်လာ ၂၅.၉၄ ဘီလီယံအထိရှိခဲ့ပြီး ၂၀၂၃ ခုနှစ်ထက် ၁၇.၉ ရာခိုင်နှုန်းတိုးလာခဲ့သည်။ အဓိကတင်သွင်းသည့် ကုန်ပစ္စည်းများတွင် ရေနံ၊ အထည်ချုပ်၊ ဖိနပ်နှင့် ခရီးသွားကုန်ပစ္စည်းများ၊ မော်တော်ယာဉ်များ၊ စက်ယန္တယားများ၊ လျှပ်စစ် ပစ္စည်းများနှင့် လူသုံးကုန်ပစ္စည်းများပါဝင်သည်။ ကမ္ဘောဒီးယားဝန်ကြီးချုပ် Hun Manet သည် ဒေသတွင်းနှင့်နှစ်နိုင်ငံလွတ်လပ်သောကုန်သွယ်မှုဘောတူညီချက်များ (FTA) သည် Made In Cambodia ထုတ်ကုန်များအတွက် ကြီးမားသောဈေးကွက်ဝင်ရောက်ခွင့်ကို ဖန်တီးပေးကြောင်း ပြောကြားခဲ့သည်။ ဒေသတွင်းဘက်စုံစီးပွားရေးမိတ်ဖက်ဆက်ဆံရေး (RCEP) မှတဆင့် ကမ္ဘောဒီးယားသည် ရင်းနှီးမြှုပ်နှံသူများနှင့် ပို့ကုန်လုပ်ငန်းရှင်များကို ကမ္ဘာလုံးဆိုင်ရာ (GDP) ၏ သုံးပုံတစ်ပုံနီးပါးဈေးကွက်အသစ်များကို ကမ်းလှမ်းခဲ့သည်ဟု ထပ်မံပြောကြားခဲ့သည်။
DOCA(ရန်ကုန်)