ပဲဇောင်းလျားပင်ကို နေရာအနှံ့အပြားတွင် စိုက်ပျိုးကြပါသည်။ ပဲဇောင်းလျားအသီးကို ပြုတ်၍သော်လည်းကောင်း၊ သုတ်၍သော်လည်းကောင်း၊ သီးစုံဟင်းချက်၍သော်လည်းကောင်း၊ အချဉ်ဖတ်ပြုလုပ်၍သော်လည်းကောင်း ချက်ပြုတ်စားသောက်ကြပါသည်။
ပဲဇောင်းလျားပင်မှ အမြစ်ဖြစ်သော ပဲမြစ်သည် လူတိုင်းစားသုံးကြသည်။ ပဲဇောင်းလျား ပင်ကို ဇွန်၊ ဇူလိုင်လတွင် စတင်စိုက်ပျိုးပြီး ရက်(၉၀)အကြာတွင် စတင်ခူးဆွတ် နိုင်ပြီဖြစ်ပါသည်။ ပြည်မြို့ ပေါ်ဈေးများတွင် တောင်သူများမှ ပဲဇောင်းလျားသီး အတောင့် (၁၀၀)လျှင် ကျပ် (၂၀၀၀-၂၅၀၀)ကျပ် တို့ဖြင့်သွင်းရပြီး ပြန်လည်ရောင်းချရာတွင် အတောင့် (၁၀၀)လျှင် အကြီး၊ အသေးခွဲ၍ (၃၀၀၀-၃၅၀၀-၄၀၀၀)တို့ဖြင့်ပြန်လည် ရောင်းချကြောင်း သိရသည်။ ပဲဇောင်းလျားသီး အမြစ်ကျ သွားလျှင် ပဲမြစ်တူးဖေါ်၍ ရောင်းချလို့ရသဖြင့် အမြစ်အထိ ဝင်ငွေရရှိသည့်အတွက် စီးပွားဖြစ် အကျိုး ဖြစ်ထွန်းစေ၍ စိုက်ပျိုးသင့်သော သီးနှံတစ်မျိုးဖြစ်ကြောင်းသိရသည်။ ပြည်ဈေးကွက်တွင် ပဲမြစ်တစ် ပိဿာလျှင် (၆၀၀၀)ကျပ်ဈေးတို့ဖြင့် ရောင်းချနေကြောင်းသိရသည်။
DOCA (ပဲခူး)