မြန်မာနိုင်ငံနေရာအနှံ့အပြားတွင် ဇီးပင်များကို တွေ့မြင်နိုင်ပါသည်။ အထူးတဖြင့် ခြောက်သွေ့သော မန္တလေး၊ မကွေးနှင့်စကိုင်းနယ်ပယ်များတွင် ဇီးပင်ပိုပေါများသည်။ ၎င်းဇီးပင်များသည် စိုက်ပျိုးရသော အပင်များမဟုတ်ဘဲ အလေ့ကျပေါက်သော အပင်များဖြစ်သည်။ ဇီးသီးသည်ရာသီစာဖြစ်၍ တစ်နှစ် ပတ်လုံး စားခွင့်မရှိပဲ နှစ်တစ်နှစ်တွင် တစ်ခါသာစားသုံးခွင့်ရှိသော သီးနှံတစ်မျိုးလည်းဖြစ်သည်။ ဇီးသီးမှာ ဇီးချိုသီး၊ ဇီးချဉ်သီး၊ ဇီးပန်းသီး၊ စလေဇီးသီး၊ ဇီးကြက်ဥဟူ၍ အမျိုးမျိုးရှိသည်။ဇီးသီးကို ဇီးယို၊ ဇီးမုန့်၊ ဇီးပြားနှင့် ဇီးဖျော်ရည်အဖြစ်လည်းပြုလုပ်၍ စားသုံးနိုင်ပါသည်။ ဇီးသီးတွင် ဗီတာမင်နှင့် သတ္တုဓာတ် များစွာ ပါရှိသည့်အတွက် လူသားတို့၏ကျန်းမာရေးကိုလည်း အကျိုးပြုစေပါသည်။
၂၀၂၄ ခုနှစ်၊ ဒီဇင်ဘာ ဆောင်းကာလတွင် ပေါ်ဦးပေါ်ဖျားသဘာဝဇီးသီးများကို ဘားအံမြို့ ရေပေါ်ဈေး၌ တစ်ပြည်လျှင် ၅၀၀၀ ကျပ်၊တစ်ဘူးလျှင် ၈၀၀ကျပ်တို့ဖြင့် အရောင်းအဝယ်ဖြစ်လျက် ရှိကြောင်း သိရသည်။
DOCA(ကရင်)