မဲခေါင်မြစ် အရှေ့ဘက်ကမ်းရှိ AkreiyKsatr တွင် မြေ ၂၁၀ ဟက်တာ၌ မြို့တစ်မြို့ဖွံ့ဖြိုး တိုးတက်ရေးတွင် သိသာထင်ရှားသော ရင်းနှီးမြှုပ်နှံမှုများဖြင့်နိုင်ငံ၏ အိမ်ခြံမြေကဏ္ဍသည် တဖြည်းဖြည်းပြန်လည်ကောင်းမွန်လာကြောင်း ကမ္ဘောဒီးယားနိုင်ငံ ဝန်ကြီးချုပ် Hun Manet က မှတ်ချက်ပြုခဲ့သည်။ ကမ္ဘောဒီးယားပြည်သူများအတွက် ခေတ်မီတိုးတက်ပြီး သာယာဝပြော သော နိုင်ငံဖြစ်လာရန် မြေယာစီမံခန့်ခွဲမှုနှင့်မြို့ပြစီမံကိန်းများသည် မရှိမဖြစ်လိုအပ်ကြောင်းနှင့် Mekong Quay City စီမံကိန်းသည် ကမ္ဘောဒီးယားပြည်သူများ၏ မျှော်မှန်းချက်များကို ဖြည့်ဆည်းပေးနိုင်မည်ဖြစ်ပြီး အမျိုးသားစီးပွားရေးတိုးတက်မှုကိုမြှင့်တင်ပေးမည်ဟု ယုံကြည် ကြောင်းပြောကြားခဲ့သည်။ ဝန်ကြီးချုပ်က အခြေခံအဆောက်အအုံနှင့်တံတားချိတ်ဆက်မှုများ ဆောက်လုပ်ခြင်းသည် ခရီးသွားလာမှုကို ချောမွေ့စေရုံသာမက စီးပွားရေးဆိုင်ရာ လုပ်ဆောင် ချက်များကိုလည်း လှုံ့ဆော်ပေးကြောင်းပြောကြားခဲ့သည်။ အနာဂါတ်တွင် မဲခေါင်မြစ် အရှေ့ဘက်ကမ်းသည် ဖနွမ်းပင်ရှိ အထပ်မြင့်အဆောက်အအုံများနှင့် နှိုင်းယှဉ်ပါက သိသာ ထင်ရှားသော ဖွံ့ဖြိုးတိုးတက်မှုကို ကြုံတွေ့ရမည်ဟုပြောကြားခဲ့သည်။ မဲခေါင်မြစ်အရှေ့ပိုင်း ဒေသဖွံ့ဖြိုးတိုးတက်ရေးတွင် ပုဂ္ဂလိကကဏ္ဍကို တက်ကြွစွာပါဝင်နိုင်ရန် ဆက်လက်တိုက်တွန်း ခဲ့သည်။
DOCA(ရန်ကုန်)