တိုင်းပြည်သာယာဝပြောရေးနှင့် စားရေရိက္ခာဖူလုံရေးအတွက် စိုက်ပျိုးရေးနှင့်မွေးမြူရေး ကို ခေတ်မီနည်းစနစ်များဖြင့် တိုးတက်အောင် ဦးတည်ကြိုးပမ်းဆောင်ရွက်လျှက်ရှိရာတွင် လုပ်ငန်း ရှင်များအတွက် လိုအပ်သောအရင်းအနှီးများကို နိုင်ငံ့ဘဏ္ဍာရန်ပုံငွေများမှလည်း တစ်ဖက်တစ်လမ်း မှ ပံ့ပိုးဆောင်ရွက်ပေးလျှက်ပါသည်။
နိုင်ငံ့စီးပွားမြှင့်တင်ရေးရန်ပုံငွေ (တိုင်းဒေသကြီး) မတည်ထောက်ပံ့ငွေမှ မွေးမြူရေး လုပ်ငန်းရှင်များအား ကြက်တစ်ယူနစ်လျှင် ၁၀၀၀ ကောင်၊ ဝက်တစ်ယူနစ်လျှင် ၁၀ ကောင်နှင့် ဆိတ် တစ်ယူနစ်လျှင် ၂၀ ကောင် သတ်မှတ်ပြီး တစ်ယူနစ်လျှင် ကျပ်သိန်း ၂၀ ၊ နို့စားနွား တစ်ယူနစ်လျှင် ၁၀ ကောင် သတ်မှတ်၍ တစ်ယူနစ်လျှင် ကျပ်သိန်း ၁၀၀ ထောက်ပံပေးလျှက်ရှိပါရာ တောင်ငူမြို့နယ်အတွင်း ကြက် ၆ ယူနစ်၊ ဝက် ၄၅ ယူနစ်၊ ဆိတ် ၂ ယူနစ်နှင့် နို့စားနွား တစ်ယူနစ် အတွက် ထောက်ပံ့ငွေ ၁၁၆၀၀၀၀၀၀ ကျပ်အား နိုဝင်ဘာလ ဒုတိယအပတ်က ထောက်ပံ့ ပေးအပ်ခဲ့ပြီးဖြစ်ပါသည်။
တောင်ငူမြို့နယ်အတွင်း ရပ်ကွက်/ကျေးရွာအုပ်စု ၈ ခုမှ ဝက်မွေးမြူရေးလုပ်ငန်းရှင် ၁၄ ဦးက ဝက်ကောင်ရေ ၄၅၀၀၊ ကြက်မွေးမြူရေးလုပ်ငန်းရှင် ၄ ဦးမှ ဒေသကြက် အကောင် ၆၀၀၀၊ ဆိတ်မွေးမြူရေးလုပ်ငန်းရှင် တစ်ဦးက ဆိတ် ၄၀ ကောင်နှင့် နွားမွေးမြူရေးလုပ်ငန်းရှင် တစ်ဦးက နို့စားနွား ၁၀ ကောင်မွေးမြူထားပါသည်။
ဒီဇင်ဘာလ ၁၂ ရက်နေ့တွင် နိုင်ငံ့စီးပွားမြှင့်တင်ရေးရန်ပုံငွေ (တိုင်းဒေသကြီး) မတည် ထောက်ပံ့ငွေရရှိသည့် မွေးမြူရေးလုပ်ငန်းများသို့ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဉာဏ်လင်းအောင်နှင့် ဌာနဆိုင်ရာအကြီးအကဲများ ကွင်းဆင်းကြည့်ရှုစစ်ဆေးရာ စားသုံးသူရေးရာ ဦးစီးဌာန၊ မြို့နယ်တာဝန်ခံ ဦးမြင့်သူသည် အဖွဲ့ဝင်အဖြစ် လိုက်ပါဆောင်ရွက်ခဲကြောင်းနှင့် မွေးမြူ ရေးလုပ်ငန်းများ အောင်မြင်လျှက်ရှိကြောင်း သိရပါသည်။
DOCA(ပဲခူး)