မကွေးတိုင်းဒေသကြီး၊ စားသုံးသူရေးရာဦးစီးဌာန၊ သရက်ခရိုင်ဦးစီးမှူးရုံးမှ ဝန်ထမ်းများသည် တိုင်းဒေသကြီးဦးစီးမှူးရုံး၏ လမ်းညွှန်မှုဖြင့် လစဉ်ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်လျက်ရှိရာ (၁၉-၁၂-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် မိတ်ဖက်ဌာနဖြစ်သည့် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့တို့နှင့်အတူ သရက်မြို့၊ မင်းတုန်းလမ်းပေါ်ရှိ ကုန်မျိုးစုံရောင်းချသည့် ကုန်စုံဆိုင်(၅)ဆိုင်နှင့် ဆေးနှင့်ဆေးပစ္စည်းအရောင်းဆိုင်(၃)ဆိုင်တို့အား ဈေးကွက်စောင့်ကြည့်စစ်ဆေး ခဲ့ကြောင်းသိရသည်။
စားသုံးသူကာကွယ်ရေးဥပဒေ (၂/၂၀၁၉)မှ အခန်း(၁၈)ပါ ကုန်အညွှန်းအမှတ်အသား ပြည့်စုံသည့်ကုန်စည်များအားရောင်းချရန်နှင့် စားသုံးသူကာကွယ်ရေးဥပဒေအရ မြန်မာဘာသာနှင့် အခြားဘာသာ တစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ မဖြစ်မနေဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး၊ ဓါတ်မတည့်ကြောင်းဖော်ပြချက်၊ ကြိုတင်သတိပေးချက်စသည့် အချက်များအကြောင်း ဆိုင်ရှင်များအား အသေးစိတ်ရှင်းလင်းပြောကြားခြင်း၊ ကုန်စည်များတွင် သက်တမ်းကုန်ဆုံးသည့်ရက်စွဲများ ပါရှိရန်လိုအပ်ကြောင်းပြောကြားပြီး ကျန်းမာရေးဝန်ထမ်းမှ ကျန်းမာရေးနှင့်ပတ်သက်သည့် အကြောင်းအရာများကို ထည့်သွင်းဆွေးနွေးခဲ့ပြီး မိမိတို့ ယခုရောင်းချနေသည့် ကုန်စည်များတွင်လည်း ကုန်ဆုံးရက်စွဲများ ကြည့်ရှု၍ ရောင်းချသွားရန် လိုအပ်ပါကြောင်း၊ ဆေးဆိုင်များတွင်လည်း သက်တမ်းလွန်ဆေးဝါးများ ရောင်းချခြင်းမပြုရန်၊ တရားမဝင်ဆေးဝါးများ ရောင်းချခြင်းမပြုရန်နှင့် ဈေးနှုန်းများ အဆမတန်မြှင့်တင်ရောင်းချခြင်းမပြုရန် ဆွေးနွေးပြောကြားခဲ့ကြောင်း သိရှိရပါသည်။
DOCA(မကွေး)