မွန်ဂိုလီးယားနိုင်ငံသည် ဥဇဘတ်ကစ်စတန်သို့ သိုးအရှင်များအားစတင်တင်ပို့

           မွန်ဂိုလီးယားနိုင်ငံသည် ဥဇဘတ်ကစ်စတန်နိုင်ငံသို့ သိုးအရှင်များတင်ပို့မှုကို တရားဝင် စတင်လိုက်ပြီဖြစ်ပြီး နှစ်နိုင်ငံအကြားကုန်သွယ်မှုတွင် အရေးပါသောခြေလှမ်းတစ်ရပ်ဖြစ်လာကြောင်း အစားအစာစိုက်ပျိုးရေးနှင့် လျှပ်စစ်ဝန်ကြီးဌာနကို ကိုးကား၍ ဒီဇင်ဘာ ၂၅ ရက်နေ့တွင် ဒေသဆိုင်ရာမီဒီယာများကဖော်ပြခဲ့သည်။ မွန်ဂိုလီးယားသမ္မတ Ukhnaa Khurelsukh ၏ ဇွန်လအတွင်း ဥဇဘတ်ကစ်စတန်နိုင်ငံသို့သွား ရောက်လည်ပတ်စဥ်အတွင်း ပြုလုပ်ခဲ့သော သဘောတူညီချက်မှထွက်‌ပေါ်လာခြင်းဖြစ်ကြောင်းဝန်ကြီးဌာန၏ ထုတ်ပြန်ချက်တွင်ဖော်ပြထား သည်။ ခရီးစဥ်အတွင်း နှစ်နိုင်ငံခေါင်းဆောင်များသည် မွန်ဂိုလီးယားနိုင်ငံမှ ဥဇဘတ်ကစ်စတန် နှင့် ဥဇဘတ်ကစ်စတန်မှတစ်ဆင့်အခြား ဗဟိုအာရှစျေးကွက်များသို့ သိုးမွှေး၊ cashmere၊ သား‌‌ရေ၊ အသားနှင့်အသားထွက်ကုန်များ ထောက်ပံ့ရေး ပူးပေါင်းဆောင်ရွက်မှုကိုတိုးမြှင့်နိုင်ရန် ကတိပြုခဲ့သည်။ ဤသဘောတူညီချက်၏တစ်စိတ်တစ်ပိုင်းအနေဖြင့် မွန်ဂိုလီးယားသည် ဥဇဘတ်ကစ္စတန် သို့မွေးမြူရေးတိရိစ္ဆာန်အကောင်ရေ တစ်သိန်းကိုတင်ပို့ရန် ကတိပြုထား ကြောင်းဝန်ကြီးဌာနထံမှ သိရသည်။ သဘောတူညီချက်အား တရားဝင်အကောင်အထည်ဖော်ပြီး ပထမအကြိမ်တင်ပို့ ရောင်းချမှုစတင်နေပြီဖြစ်ကြောင်း ဒီဇင်ဘာလ ၂၁ ရက်နေ့မှစ၍ မွန်ဂိုလီးယား နိုင်ငံမှ သိုးအရှင်အကောင်ရေ ၁၄၄၀ အားဥဇဘတ်ကစ်စတန်သို့ လေယာဥ်နှစ်စင်းဖြင့် ပို့ဆောင်ခဲ့ကြောင်း ဝန်ကြီးဌာနကပြောကြားခဲ့သည်။ မွေးမြူရေးလုပ်ငန်းကို မြှင့်တင်ခြင်းသည် မွန်ဂိုလီယားသတ္တု တူးဖော်မှုအပေါ် မှီခိုနေသောနိုင်ငံ၏ စီးပွားရေးကို ကွဲပြားစေမည့် အဓိကဗျူဟာတစ်ခုအဖြစ်လည်း ယူဆထားကြသည်။ မွန်ဂိုလီးယားနိုင်ငံသည် ၂၀၂၃ ခုနှစ် အကုန်တွင်တိရိစ္ဆာန်အကောင်ရေ ၆၄.၇ သန်းရှိခဲ့ပြီး ၎င်းမှ ၄၅.၅ ရာခိုင်နှုန်းမှာ သိုးများ ဖြစ်ကြောင်း စာရင်းအင်းရုံးမှထုတ်ပြန်ချက်အရ သိရှိရပါသည်။

Source : Xinhua

DOCA(ရန်ကုန်)