ဗီယက်နမ်နိုင်ငံသည် ယခုနှစ်တွင် စိုက်ပျိုးမွေးမြူရေး-သစ်တော-ရေထွက်ကုန်တင်ပို့မှုမှ တစ်ဆင့် အမေရိကန်ဒေါ်လာ ၆၂.၅ ဘီလံယံ (၂၀၂၃ ကထက် ၁၈.၇ ရာခိုင်နှုန်းမြင့်တက်) ရရှိခဲ့ပြီး စံချိန်တင်ကုန်သွယ်ရေးပိုငွေ အမေရိကန်ဒေါ်လာ ၁၇.၉ ဘီလီယံ(၂၀၂၃ ကထက် ၄၆.၈ ရာခိုင်နှုန်း မြင့်တက်) ခဲ့ကြောင်း စိုက်ပျိုးမွေးမြူရေးနှင့် ကျေးလက်ဒေသဖွံ့ဖြိုးရေး ဝန်ကြီးဌာန ၏ အဆိုအရသိရပါသည်။ အဓိကစိုက်ပျိုးရေးထုတ်ကုန်များတင်ပို့မှုမှတစ်ဆင့် အမေရိကန် ဒေါ်လာ ၃၂.၈ ဘီလီယံ (၂၂.၄ ရာခိုင်နှုန်းမြင့်တက်)၊ မွေးမြူရေးထုတ်ကုန်တင်ပို့မှုမှတစ်ဆင့် အမေရိကန် ဒေါ်လာ ၅၃၆.၆ မီလီယံ(၆.၅ ရာခိုင်နှုန်းမြင့်တက်)၊ သစ်တောထုတ်ကုန် တင်ပို့မှုမှ တစ်ဆင့် အမေရိကန်ဒေါ်လာ၁၇.၂၈ ဘီလီယံ(၁၉.၄ ရာခိုင်နှုန်းမြင့်တက်)နှင့် ရေထွက်ကုန် တင်ပို့မှုမှ တစ်ဆင့် အမေရိကန်ဒေါ်လာ ၁၀.၀၇ ဘီလီယံ(၁၂.၂ရာခိုင်နှုန်းမြင့်တက်) ခဲ့ကြောင်း သိရပါသည်။ သစ်နှင်သစ်ထုတ်ကုန်တင်ပို့မှု(အမေရိကန်ဒေါ်လာ၁၆.၂ ဘီလီယံ)၊ သစ်သီးနှင့် ဟင်းသီးဟင်းရွက် တင်ပို့မှု(အမေရိကန်ဒေါ်လာ ၇.၁၂ ဘီလီယံ)၊ ဆန်(အမေရိကန်ဒေါ်လာ၅.၇၅ ဘီလီယံ)နှင့် ကော်ဖီ (အမေရိကန်ဒေါ်လာ၅.၄၈ ဘီလီယံ)တို့ပါဝင်သော ထုတ်ကုန် ၇ ခုတင်ပို့မှုမှ ဝင်ငွေအမေရိကန်ဒေါ်လာ ၃ ဘီလီယံကျော်အသီးသီးရရှိခဲ့ကြောင်းသိရပါသည်။ စိုက်ပျိုး မွေးမြူရေးနှင့် ကျေးလက်ဒေသဖွံ့ဖြိုးတိုးတက်ရေး ဒုတိယဝန်ကြီးဖြစ်သူ Phung Duc Tien က ထိုအောင်မြင်မှုများသည် ကဏ္ဍ၏ စီးပွားရေးဖွဲ့စီးပုံတွင်ဗျူဟာမြောက်ချိန်ညှိမှု၊ ထုတ်လုပ်ရာ တွင် ဈေးကွက်ဝယ်လိုအားနှင့်ချိန်ညှိမှုနှင့် မြင့်မားသောတန်ဖိုးနှင့်ယှဉ်ပြိုင်နိုင်စွမ်းရှိသော ထုတ်ကုန်များ မြင့်တက်လာမှုတို့ကြောင့်ဖြစ်ကြောင်းသိရပါသည်။ ၂၀၂၃ ခုနှစ်မှစ၍ ဝန်ကြီးဌာန သည် အမေရိကန်၊ တရုတ်၊ ဂျပန်နှင့် ဥရောပသမဂ္ဂကဲ့သို့သော အဓိကဈေးကွက်များသို့ တင်ပို့မှုအရှိန်မြှင့်တင်ရန် စီမံကိန်းများကိုအကောင်အထည်ဖော်ခဲ့ကြောင်းသိရပါသည်။ ဝန်ကြီး ဌာနသည် ဈေးကွက်သစ်များရှာဖွေခဲ့ပြီး စာချုပ်များကို ညှိနှိုင်းဆွေးနွေးခဲ့သည့်အတွက် သိသာ ထင်ရှားသည့်ရလဒ်များရရှိခဲ့ကြောင်းသိရပါသည်။ ထို့ပြင်ဌာနသည် ဈေးကွက်သတင်းအချက် အလက်ဖလှယ်မှုမြှင့်တင်ရန်နှင့် ဆက်သွယ်မှုအားကောင်းစေရန် ပြည်ပရှိဗီယက်နမ်၏ စိုက်ပျိုးမွေးမြူရေးအတိုင်ပင်ခံပုဂ္ဂိုလ်များ၏ကဏ္ဍကို မြှင့်တင်ခဲ့ကြောင်းသိရပါသည်။ တရုတ်၊ အမေရိကန်၊ဂျပန်နှင့်ဥရောပသမဂ္ဂကဲ့သို့သော အစဉ်အလာဈေးကွက်များအပြင် ဝန်ကြီးဌာန သည် ဟာလာအစားအစာဈေးကွက်များ၊ အရှေ့အလယ်ပိုင်းနှင့် အာဖရိကပါဝင်သော ပေါ်ထွန်းလာသည့်ဈေးကွက်များကိုလည်းပစ်မှတ်ထားနေကြောင်းသိရပါသည်။
DOCA(ရန်ကုန်)