အင်ဒိုနီးရှားအစိုးရသည် တိရိစ္ဆာန်အစာထုတ်လုပ်ရန်အတွက် ဂျုံတင်သွင်းရန်စီစဉ်နေကြောင်း ညှိနှိုင်းရေးဝန်ကြီးဖြစ်သူ Zulkifli Hassan က ဇန်နဝါရီလ ၆ ရက်နေ့က ပြောကြား ခဲ့ပါသည်။ ဝန်ကြီးက ယခုနှစ်တွင် နိုင်ငံ၏ပြောင်းထုတ်လုပ်မှုသည် မြင့်မားရန်မျှော်လင့်ရကြောင်း၊ ထို့ကြောင့်အစိုးရသည် တိရိစ္ဆာန်အစာထုတ်လုပ်ရန်အတွက်ပါ ပါဝင်သော ပြောင်း မတင်သွင်းရန် ဆုံးဖြတ်ခဲ့ကြောင်း မှတ်ချက်ပြုပြောကြားခဲ့ပါသည်။ သို့သော်ဝန်ကြီးဌာနများနှင့် အေဂျင်စီများအကြားအစည်းအဝေးတွင် အစိုးရသည် အကယ်၍ တိရိစ္ဆာန်အစာလိုအပ်ချက်ကို ပြည်တွင်း၌ လုံလောက်အောင်မဖြည့်စည်းနိုင်ပါက ပြောင်းအစား ဂျုံတင်သွင်းရန် စီစဉ်ထားကြောင်း သိရပါသည်။ Hasan က ဂျုံသည်ပြောင်းထက်ဈေးပေါသောကြောင့် တိရိစ္ဆာန် အစာအတွက် ပြောင်းအစားဂျုံတင်သွင်းမည်ဖြစ်ကြောင်း၊ သို့သော်ထိုဆုံးဖြတ်ချက်ကို ထပ်မံ ညှိနှိုင်းဆွေးနွေးရမည်ဖြစ်ကြောင်း၊ အဘယ်ကြောင့်ဆိုသော် ဂျုံရောင်းလိုအားအလွန် များပြားပါက တိရိစ္ဆာန်အစာထုတ်စက်ရုံများသည် ပြောင်းကိုအသုံးမပြုတော့ပဲ ဂျုံကိုသာသုံးပါက ပြောင်းဈေးများကျဆင်းကာ လယ်သမားများအခက်တွေ့နိုင်သောကြောင့်ဖြစ်ကြောင်း ပြောကြားခဲ့ပါသည်။ ၂၀၂၅ ခုနှစ်တွင် အင်ဒိုနီးရှားနိုင်ငံ၏ ပြောင်းထုတ်နိုင်စွမ်းသည် တန်ချိန် ၁၆.၆၈ သန်း ရောက်ရှိရန်ခန့်မှန်းရပြီး ပြည်တွင်းဝယ်လိုအားမှာ တန်ချိန် ၁၃ သန်းပတ်လည် ရှိကြောင်း သိရပါသည်။ ထို့ကြောင့်အစိုးရသည် တိရိစ္ဆာန်အစာအတွက် ပြောင်းတင်သွင်းမှုမပြုရန် ဆုံးဖြတ်ခဲ့ခြင်းဖြစ်ကြောင်းသိရပါသည်။ သမ္မတ Prabowo Subianto ကလည်း ၎င်း၏ဝန်ကြီးများအား ယခုနှစ်တွင် ဆန်၊ ဆားနှင့် သကြားတင်သွင်းမှုမပြုလုပ်တော့ရန် ညွှန်ကြားထားသည် ဟုသိရှိရပါသည်။
Antara News
DOCA(ရန်ကုန်)