(၉.၁.၂၀၂၅)ရက်နေ့ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန၊ ဓနုဖြူ မြို့နယ် ဦးစီးမှူးရုံးမှမြို့နယ်တာဝန်ခံနှင့် စိုက်ပျိုးရေးဦးစီးဌာနမှ တာဝန်ရှိသူများသည် လက်ဆွဲချောင်းကျေးရွာရှိ ကျေးရွာအုပ်ချုပ်ရေးမှူးရုံးဝန်းတွင် ဓနုဖြူမြို့နယ်နေကြာစိုက်ပျိုးသူ လုပ်ငန်းရှင်(၁၅)ဦး နှင့် တွေ့ဆုံ၍ စားသုံးသူကာကွယ်ရေး အသိပညာပေးခြင်းနှင့် နေကြာစိုက်ပျိုးသီးနှံ အထွက်တိုးရေး အသိပညာပေးဟောပြောခဲ့ကြောင်းသိရသည်။
ဟောပြောဆွေးနွေးရာတွင် စားသုံးသူရေးရာဦးစီးဌာန၊ ဓနုဖြူမြို့နယ်တာဝန်ခံ ဦးဝင်းမင်းစိုး ဦးစီးအရာရှိက စားသုံးသူကာကွယ်ရေး ဥပဒေ (၂၀၁၉)ကို ရှင်းလင်းဆွေးနွေးခြင်း၊ စားသုံးသူ ကာကွယ်ရေး လုပ်ငန်းစဉ်ကိစ္စရပ် ကိုရှင်းလင်း ခြင်း၊ စီးပွားရေးလုပ်ငန်းရှင်၏ လိုက်နာရမည့်တာဝန်များ ကိုရှင်းလင်းခြင်း၊ စားသုံးသူအခွင့်အရေး နစ်နာမှုရှိပါက တိုင်ကြားရန် လွယ်ကူသည့် Call Center1535ကို အလွယ်တကူဆက်သွယ်၍ စုံစမ်းမေးမြန်း တိုင်ကြားနိုင်သည့်အကြောင်းကို ရှင်းလင်းပြောကြားခဲ့ကြောင်းသိရသည်။
ဆက်လက်၍ နေကြာစိုက်ပျိုးမည့်တောင်သူများကို ဒေသတွင်း စားသုံးဆီဖူလုံဖို့ နေကြာပင်စိုက်ပျိုးပြီး အထွက်နှုန်းကောင်းစေရန်အတွက် စီမံဆောင်ရွက်သင့်သည်များကို စိုက်ပျိုးတောင်သူများမှ လိုက်နာဆောင်ရွက်နိုင်စေရန်၊ မြို့နယ်တွင်း နေကြာစိုက်ပျိုးပြီး နေကြာထွက်ရှိမှုမှ ဆီကြိတ်ခွဲ၍ နေကြာဆီစားသုံးခြင်းဖြင့် ခန္ဓာကိုယ်အတွက် ကောင်းမွန်သည့် အတွက် စိုက်ပျိုးသင့်ကြောင်း ပြည်ပမှစားသုံးဆီဝယ်ယူမှုကိုလျော့ချနိုင်ပြီး ဒေသတွင်း စားသုံးဆီသီးနှံများစိုက်ပျိုးမှသာ ဆီဖူလုံမည်ဖြစ်ကြောင်း၊ လယ်ယာကဏ္ဍမှ စားသုံးဆီဖူလုံရေးအတွက် ဆီထွက်သီးနှံများ တိုးချဲ့စိုက်ပျိုးရေးကို အရှိန်အဟုန်နှင့် မြှင့်တင်ဆောင်ရွက်နိုင်ရန် နိုင်ငံတော်မှ လမ်းညွှန်ချက်များချမှတ်ပြီး စားသုံးဆီဖူလုံရေးအတွက် ဆီထွက်သီးနှံများ တိုးချဲ့စိုက်ပျိုးရေး နေကြာသီးနှံသည် အခြားဆီထွက်သီးနှံများနှင့် နှိုင်းယှဉ်ကြည့်ပါက စိုက်ပျိုးရလွယ်ကူပြီး စိုက်ပျိုးသည့် ကုန်ကျစရိတ် သက်သာသည့်အပြင် တစ်ယူနစ် ဧရိယာမှထွက်ရှိသည့် ဆီထွက်နှုန်းပိုမိုရရှိမှု သေချာသည့် သီးနှံဖြစ်ကြောင်းကို နေကြာစိုက်တောင်သူများအား အသိပညာပေး ဟောပြောဆွေးနွေးခဲ့ကြောင်း သိရှိရပါသည်။
DOCA( ဧရာဝတီ )