တရုတ်နိုင်ငံမှ ထိပ်တန်းတာယာထုတ်လုပ်သည့် ကုမ္ပဏီဖြစ်သည့် Sailum Group သည် ကမ္ဘောဒီးယားနိုင်ငံနှင့်မြောက်အမေရိကမှ ဝယ်လိုအားများကိုဖြည့်ဆည်းရန်အတွက် ကမ္ဘောဒီးယား နိုင်ငံတွင် တာယာထုတ်လုပ်မှုများတိုးချဲ့ရန်အတွက် ကန်ဒေါ်လာ ၉၃.၅ သန်းနီးပါး ရင်းနှီမြှုပ်နှံ မည်ဖြစ်ကြောင်းထုတ်ပြန်ခဲ့သည်။ Svey Rieng မြို့ရှိ Sailum Group ၏ ကမ္ဘောဒီးယားတွင်လုပ်ငန်းခွဲဖြစ်သော Cart Tyre Co.,Ltd သည် ၎င်းတို့၏စက်ရုံတွင် ထုတ်လုပ် မှုများတိုးမြှင့်ရန်အတွက် ကန်ဒေါ်လာ ၆၁.၁၈ သန်းသုံးစွဲမည်ဖြစ်ပြီး ၎င်းတို့၏လုပ်ငန်း အရင်း အနှီးကိုမြှင့်တင်ရန်အတွက် ကန်ဒေါ်လာ ၃၂.၃၀ သန်းသုံးစွဲမည်ဖြစ်ကြောင်း Sailum Group မှ ၇-၁-၂၀၂၄ ရက်နေ့က ထုတ်ပြန်ခဲ့သောအစီရင်ခံစာတွင်ဖော်ပြထားသည်။ အစီရင်ခံစာ တွင် ကမ္ဘောဒီးယားနှင့်မြောက်အမေရိကရှိဖောက်သည်များ၏ လိုအပ်ချက်များကို ပိုမိုကောင်းမွန်စွာ ဖြည့်ဆည်းပေးနိုင်ရန် All-steel radial တာယာများထုတ်လုပ်မှုကို တိုးမြှင့်ရန် အတွက် ဒေါ်လာ ၉၃.၄၈ သန်း ရင်းနှီးမြှုပ်နှံမှုများပြုလုပ်နေကြောင်းနှင့် အဆိုပါပရောဂျက်သည် နှစ်စဉ်ပျမ်းမျှ ကန်ဒေါ်လာ ၂၄၄.၇၃ သန်းဝင်ငွေရရှိနိုင်ရန်မျှော်လင့်ရကြောင်း ထုတ်ပြန်ထားသည်။ ၂၀၂၄ ခုနှစ်၊ ပထမ သုံးလပတ်အတွင်း Sailum Group သည် တာရာထုတ်ကုန်များ ရောင်းချမှုမှ ကန်ဒေါ်လာ ၄၄၀ သန်းရရှိခဲ့ကြောင်း အစီရင်ခံစာတွင်ဖော်ပြထားသည်။
DOCA(ရန်ကုန်)