ကမ္ဘောဒီးယားနိုင်ငံ၏ ငှက်ပျောသီးတင်ပို့မှုသည် တရုတ်သွင်းကုန်များ သိသိသာသာ ကျဆင်းလာမှုနှင့် အိမ်နီးချင်းနိုင်ငံများမှ ခက်ခဲသောယှဉ်ပြိုင်မှုများကြောင့် ၂၀၂၄ ခုနှစ်၊ ပထမ (၁၁) လအတွင်း ၁၁.၂ ရာခိုင်နှုန်းကျဆင်းခဲ့သည်။ နိုင်ငံတော်၏ ငှက်ပျောသီးတင်ပို့မှုသည် စုစုပေါင်းတန်ဖိုးသည် ၂၀၂၃ ခုနှစ် အလားတူကာလ ကန်ဒေါ်လာ ၁၅၆.၂ သန်းမှ ၁၃၈ သန်းသို့ကျဆင်းသွားခဲ့ကြောင်း စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန (MAFF) မှ ၇-၁-၂၀၂၅ ရက်နေ့က ထုတ်ပြန်ခဲ့သည်။ ကမ္ဘောဒီးယားငှက်ပျောသီးတင်ပို့မှု၏ ၉၅ ရာခိုင်နှုန်းကို တရုတ်နိုင်ငံသို့ တင်ပို့ခဲ့ပြီး ၂၀၂၃ ခုနှစ်၊ ပထမ သုံးလပတ်တွင် တန်ချိန် ၁.၂ သန်း(၈.၅ ရာခိုင်နှုန်း) အထိ ကျဆင်းခဲ့သည်။ ၂၀၂၃ ခုနှစ်အတွင်း ကမ္ဘောဒီးယားနိုင်ငံမှ တရုတ်နိုင်ငံသို့ ငှက်ပျောသီးတန်ချိန် ၂၆၀,၀၀၀ ကျော်တင်ပို့ခဲ့ကြောင်း (MAFF) မှ ထုတ်ပြန်ခဲ့သည်။ ကမ္ဘောဒီးယားနိုင်ငံသည် တရုတ်နိုင်ငံသို့ ၂၀၁၉ ခုနှစ်တွင် စတင်တင်ပို့ခဲ့ပြီး သို့လှောင်မှုနှင့် ဖြတ်သန်းသွားလာမှုကို နှစ်လအထိခံနိုင်ရည်ရှိသော အထူးမျိုးစိတ်များကို တင်ပို့ခဲ့သည်။ ငှက်ပျောသီးတင်ပို့မှု ကျဆင်းလာခြင်းသည် ၂၀၂၄ ခုနှစ်၊ ပထမ (၁၁) လအတွင်း လယ်ယာကဏ္ဍတစ်ခုလုံးအတွက် ကုန်သွယ်မှုအရှိန်အဟုန်မြင့်လာမှု၏ နောက်ကွယ်မှ ဖြစ်ပေါ်လာပြီး ကောက်စိုက်ဆန်မှာ ကန်ဒေါ်လာ ၁.၃ ဘီလီယံ (၁၆.၄ ရာခိုင်နှုန်း)နှင့် ပီလောပီနံ တွင် ကန်ဒေါ်လာ ၆၂၂ သန်း (၁၃.၄ ရာခိုင်နှုန်း) အထိမြင့်တက်လာခဲ့သည်။ ကမ္ဘောဒီးယားနိုင်ငံ ၏ ထိပ်တန်းပို့ကုန်များတွင် ဆန်၊ ငှက်ပျောသီး၊ ပီလောပီနံ၊ သီဟိုဠ်စေ့၊ ပြောင်း၊ ငရုတ်ကောင်း၊ ဆေးရွက်ကြီးနှင့် ရာဘာတို့ပါဝင်သည်။
DOCA(ရန်ကုန်)