အင်ဒိုနီးရှားနိုင်ငံစီးပွားရေးရာ ညှိနှိုင်းဆွေးနွေးရေးဝန်ကြီးဖြစ်သူ Airlangga Hartarto က ဟောင်ကောင်ကိုယ်ပိုင်အုပ်ချုပ်ခွင့်ရဒေသ ဘဏ္ဍာရေးအတွင်းရေးမှူးဖြစ်သူ Paul Chan နှင့် ထောက်ပံ့မှုကွင်းဆက်ဝန်ဆောင်မှုဖွံ့ဖြိုးတိုးတက်ရေးတွင် ပူးပေါင်းဆောင်ရွက်ရန် ဇန်နဝါရီလ ၈ ရက်နေ့က တွေ့ဆုံဆွေးနွေးခဲ့ကြကြောင်း သိရပါသည်။ အာရှ၏အကြီးမားဆုံး ဘဏ္ဍာရေး ဝန်ဆောင်မှု ပေးသူများထဲမှတစ်ခုဖြစ်သည့် ဟောင်ကောင်သည် ဘဏ္ဍာရေးကဏ္ဍတွင် အင်ဒိုနီးရှားနှင့်ပူးပေါင်း ဆောင်ရွက်ရန် သိသာထင်ရှားသောအလားအလာရှိနေကြောင်း Hartarto ကပြောကြားခဲ့ပါသည်။ ထိုအစည်းအဝေးတွင် ဝန်ကြီးက ထောက်ပံ့မှုကွင်းဆက် ဝန်ဆောင်မှုများနှင့် အခြားအခြေခံအဆောက်အအုံစီမံကိန်းများ တည်ထောင်ရန် ဟောင်ကောင် ကကမ်းလှမ်းသည့် ရင်းနှီးမြှုပ်နှံမှုအစီအစဉ်နှင့် ဘဏ္ဍာရေးပူးပေါင်းဆောင်ရွက်မှုကို ကြိုဆိုကြောင်းပြောကြားခဲ့ပါသည်။ Hartarto က ဟောင်ကောင်စီးပွားရေးလုပ်ငန်းများအား အင်ဒိုနီးရှားတွင် ကွဲပြားသည့်ရင်းနှီးမြှုပ်နှံမှု အခွင့်အလမ်းများကိုရှာဖွေရန်တိုက်တွန်းခဲ့ပြီး ၎င်းတို့ ကလည်းများစွာသော ဘဏ္ဍာရေးမက်လုံးများပံ့ပိုးပေးသွားမည်ဟု ပြောကြားခဲ့ပါသည်။ ထို ဝန်ဆောင်မှုများသည် အင်ဒိုနီးရှားနှင့်ဟောင်ကောင်မှ စီးပွားရေးလုပ်ငန်းများအား ကျယ်ပြန့် သော ဈေးကွက်များသို့ဝင်ရောက်ရန်နှင့် စီးပွားရေးစွမ်းရည်မြင့်တက်လာရန် ခွင့်ပြုပေးနိုင်မည် ဟု သိရပါသည်။ အစည်းအဝေးတွင် Chan က ဟောင်ကောင်သည် အင်ဒိုနီးရှားတွင် ထောက်ပံ့မှု ကွင်းဆက် ဖွံ့ဖြိုးတိုးတက်ရေးတွင် အလားအလာရှိသော မိတ်ဖက်ဖြစ်ကြောင်း ပြောကြားခဲ့ပါ သည်။ နှစ်ဦးစလုံးသည်လတ်တလော ကမ္ဘာ့စီးပွားရေးအခြေအနေများကို ဆွေးနွေးခဲ့ကြပြီး ပထဝီ နိုင်ငံရေးအခြေအနေများကြောင့် ကမ္ဘာ့စီးပွားရေးမသေချာမရေရာမှုများသည် နိုင်ငံ အားလုံး အတွက် စိန်ခေါ်မှုဖြစ်နေကြောင်း ပြောကြားခဲ့ကြပါသည်။ ထို့ပြင် Chan က ကမ္ဘာ့စီးပွားရေး အခက်အခဲများကြား အင်ဒိုနီးရှားနိုင်ငံ၏ စီးပွားရေးနှင့်ဈေးကွက်ကြီးထွားလာမှု အပေါ်အမွှမ်းတင် ပြောကြားခဲ့ပါသည်။ ၎င်းတို့၏ဆွေးနွေးမှုအချုပ်တွင် ဝန်ကြီးက ပြည့်ဖြိုးမြဲစွမ်းအင်နှင့် အစိမ်းရောင်ကဏ္ဍများ အစရှိသည့် အလားအလာရှိသောဧရိယာများအား ဟောင်ကောင်ရင်းနှီး မြှုပ်နှံသူများကရှာဖွေရန်နှင့် စက်မှု၊ ခရီးသွား၊ ကုန်ထုတ်လုပ်မှုနှင့် ဒစ်ဂျစ်တယ်ကဏ္ဍများကို အဓိကထားသည့် အထူးစီးပွားရေးဇုန်များပါဝင်သော သိသာ ထင်ရှားသော အလားအလာရှိသည့် ပူးပေါင်းဆောင်ရွက်မှုအခွင့်အလမ်းများကို ပြောကြားခဲ့ ကြောင်း သိရပါသည်။
DOCA(ရန်ကုန်)