ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာနမှ ဝန်ထမ်းများသည် FDA ၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးဦးစီးဌာန၊ မြန်မာနိုင်ငံရဲတပ်ဖွဲ့၊ အကောက်ခွန်ဦးစီးဌာန၊ မွေးမြူရေးနှင့်ကုသရေးဦးစီးဌာနများမှပူးပေါင်း အဖွဲ့ဝင်များနှင့်အတူ (၁၇.၅.၂၀၂၂) ရက်နေ့ နံနက် (၁၀:၀၀) နာရီအချိန်တွင် တောင်ကြီးမြို့ပေါ်ရှိ ဆေးနှင့်ဆေးဝါးပစ္စည်း အရောင်းဆိုင်များ၊ ကုန်စုံဆိုင်များသို့ Online Media မှ အန္တရာယ်ဖြစ်စေမည့် တရားမဝင် အစားအသောက်များ၊ ဆေးဝါးများ၊ ဆေးပစ္စည်းနှင့် အလှကုန်များ ကြေငြာရောင်းချနေမှု အခြေအနေများကို စောင့်ကြည့် အရေးယူနိုင်ရန်တွက် ကွင်းဆင်းစစ်ဆေးခဲ့ပါသည်။ ထိုအပြင် တရားဝင်မှတ်ပုံတင်ထားခြင်းမရှိသည့်အပြင် တားမြစ်ပိတ်ပင်ထားသော ရသေ့ဆေး (သို့မဟုတ်) ထိုင်းဗိန်တောဆေး ရောင်းချမှု ရှိ/ မရှိ အခြေအနေများကိုလည်း စစ်ဆေးခဲ့ရာ ရောင်းချမှုမရှိကြောင်း တွေ့ရှိခဲ့ရပါသည်။
စားသုံးသူရေးရာဦးစီးဌာနအနေဖြင့် လုပ်ငန်းရှင်များအား တရားမဝင်ကုန်ပစ္စည်းများ ရောင်းချမှုမရှိရေး၊ စားသုံးသူကာကွယ်ရေးဥပဒေပါ ကုန်အညွန်းအမှတ်အသားနှင့် ပြည့်စုံသည့် ကုန်ပစ္စည်းများကိုသာ ရောင်းချရန်ဆွေးနွေးပြောကြားခဲ့ကြောင်း သတင်းရရှိပါသည်။
DOCA(ရှမ်း)