စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ လုပ်ငန်းတာဝန်တစ်ရပ်ဖြစ်သည့် စားသုံးသူကာကွယ်ရေးလုပ်ငန်းနှင့်စပ်လျဉ်းသည့် အသိပညာပေးခြင်း နှင့် သတင်းအချက်အလက်များ ဖြန့်ဝေပေးခြင်းတို့ ဆောင်ရွက်လျက်ရှိပါသည်။
စားသုံးသူကာကွယ်ရေးအသိပညာပေးဟောပြောခြင်းများကို သက်ဆိုင်ရာနယ်ပယ် အသီးသီးအလိုက် ဟောပြောဆောင်ရွက်လျက်ရှိရာ (၁၅-၁-၂၀၂၅) ရက်နေ့၊ နံနက် (၁၀:၀၀) နာရီအချိန်တွင် အမရပူရခရိုင်၊ အမရပူရမြို့နယ်၊ အိုးတော်ရပ်ကွက်ရှိ အ.မ.က(မူလွန်) တွင် ဆရာ/ ဆရာမများနှင့် ကျောင်းသား/ ကျောင်းသူ (၅၄၇)ဦးအား စားသုံးသူကာကွယ်ရေးနှင့် ပတ်သက်သော အသိပညာပေးဟောပြောခြင်း ဆောင်ရွက်ခဲ့ပါသည်။
စားသုံးသူကာကွယ်ရေးအသိပညာပေးဟောပြောခြင်းကို စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲရှိ ဌာနခွဲတာဝန်ခံ ဦးစီးအရာရှိ ဒေါ်မေသက်ထွန်းမှ စားသုံးသူကာကွယ်ရေးနှင့် ဥပဒေပေါ်ပေါက်လာပုံ၊ စားသုံးသူနှင့်စီးပွားရေး လုပ်ငန်းရှင်တို့၏ အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေးနှင့်တာဝန်များအား ရှင်းလင်း ဟောပြောခဲ့ပြီး Consumer Call Center (1535) သို့ ဖုန်းခေါ်ဆို၍ တိုင်ကြားနိုင်ကြောင်းကို လက်တွေ့ခေါ်ဆိုသရုပ်ပြခဲ့ပြီး လက်ကမ်းစာစောင်များ ဖြန့်ဝေပေးခဲ့ပါသည်။
ထို့နောက် ကျောင်းအတွင်းရှိ ကျောင်းမုန့်ဈေးတန်းတွင် ရောင်းချနေသော လုပ်ငန်းရှင်များအား အစားအသောက်များတွင် ကုန်အညွှန်းအမှတ်အသားပါဝင်မှုရှိ/ မရှိ၊ ရက်လွန်ခြင်း၊ မှိုတက်သော အစားအသောက်များ ရောင်းချမှုရှိ/ မရှိ၊ တားမြစ်ဆိုးဆေးသုံးစွဲထားသော အစားအသောက်များ ရောင်းချမှုမရှိစေရေး ကွင်းဆင်းစစ်ဆေးခြင်းနှင့် ဟောပြောဆွေးနွေး ခြင်းများ ဆောင်ရွက်ခဲ့ကြကြောင်း သိရှိရပါသည်။
DOCA(မန္တလေး)