တူရကီနိုင်ငံ၏ စိုက်ပျိုးရေးကဏ္ဍသည် ရောင်းအား ၃% တိုးမြှင့်လာခဲ့ပြီး နှစ်စဉ် တင်ပို့မှု တွင် အမြင့်ဆုံးအဖြစ်စံချိန်တင်ခဲ့ကြောင်း ၁၂.၁.၂၀၂၅ ရက်နေ့က အစီအရင်ခံစာတစ်ခု အရသိရ သည်။ တူရကီ ပို့ကုန်လုပ်ငန်းရှင်များညီလာခံ (TIM) မှ Anadolu Agency (AA) မှပြုစုသော အချက် အလက်များအရ အဆိုပါကဏ္ဍ၏ပို့ကုန်သည် ၂၀၂၄ ခုနှစ်တွင် ၃၆.၂ ဘီလီယံအထိနှစ်စဉ် ၃.၃% မြင့်တက်လာခဲ့ကြောင်းသိရသည်။ ထို့ကြောင့် တူရကီလယ်ယာ ထွက်ကုန်ဝယ်လိုအားသည် တစ်နှစ် ပတ်လုံးအားကောင်းနေဆဲဖြစ်ပြီး ရာသီဥတုဖောက်ပြန်မှု နှင့် အစားအစား ဘေးကင်းရေး ပြသာနာ များပိုမိုပျံနှံ့လာချိန်တွင် နိုင်ငံအား ယုံကြည် စိတ်ချရသောထောက်ပံ့ပေးသူအဖြစ် ရှုမြင်စေကြောင်း အဆိုပါကဏ္ဍ၏ ကိုယ်စားလှယ်များ ထံမှသိရသည်။ တူရကီ၏ ပို့ကုန်တင်ပို့မှုစုစုပေါင်းတွင် စိုက်ပျိုး ရေးကဏ္ဍ၏ ရှယ်ယာသည် ၁၆ % ရှိကြောင်းအချက်အလက်များက ဖော်ပြသည်။ တစ်ချိန်တည်းတွင် စိုက်ပျိုးရေး နယ်ပယ်တွင်လုပ်ကိုင်နေသောကဏ္ဍ ၁၀ ခုအနက်မှနှစ်ခုသည် ၎င်းတို့၏ တစ်နှစ်တာ တင်ပို့မှုအမြင့်ဆုံးကိုရောက်ရှိခဲ့သည်။ ထို့ကြောင့် ယမန်နှစ်က သစ်သီးနှင့် ဟင်းသီးဟင်းရွက် ထွက်ကုန်များတင်ပို့မှုမှာ ကန်ဒေါ်လာ ၂.၇ ဘီလီယံရှိပြီး သစ်သီးခြောက်နှင့် ထုတ်ကုန်များ တင်ပို့မှုမှာ ကန်ဒေါ်လာ ၁.၈၅ ဘီလီယံကျော် တန်ဖိုးရှိသည်။ စံချိန်တင်တင်ပို့သောနိုင်ငံများမှာ ဂျာမနီနှင့် အမေရိကန်တို့ဖြစ်သည်။ သစ်သီးဝလံနှင့် ဟင်းသီးဟင်းရွက်ကဏ္ဍတွင်ဒေါ်လာ ၆၃၇ သန်းဖြင့်တင်ပို့ မှုတွင် ဦးဆောင်နေပြီး အနောက်ပိုင်း Izmir ပြည်နယ်သည် သစ်သီးခြောက်နှင့် ဟင်းသီးဟင်းရွက် ခြောက်ကဏ္ဍတွင် ဒေါ်လာ ၄၈၁.၆ သန်းဖြင့်ရပ်တည်လျှက်ရှိသည်။ လာမည့်နှစ်များတွင် လယ်ယာထွက်ကုန်တင်ပို့မှုသည် ကန်ဒေါ်လာ ၄၀ ဘီလီယံအထိ ရောက်ရှိရန်ရည်မှန်းထားကြောင်း အစ္စတန်ဘူလ် သစ်သီးဝလံနှင့်ဟင်းသီးဟင်းရွက် တင်ပို့ ရောင်းချသူများအသင်းဘုတ်အဖွဲ့ ဥက္ကဌ Melisa Tokgaz Mutiu မှအလေးပေးပြောကြားခဲ့ပြီး အဆိုပါရည်မှန်းချက်ကို အကောင်အထည် ဖော်ရန်အတွက် ကဏ္ဍတွင်ရေရှည်တည်တံ့ ခိုင်မြဲသော တိုးတက်မှုရှိစေရန်၊ ရာသီဥတုနှင့်လိုက်လျော ညီထွေဖြစ်သောစိုက်ပျိုးရေးမူဝါဒ များကိုချမှတ်ကာ သဘာဝ ပတ်ဝန်းကျင်နှင့် သဟဇာတဖြစ်သော ထုတ်လုပ်မှုနည်းလမ်းများကို ဖြန့်ကြက်ရန်အရေးကြီးကြောင်း ပြောကြားခဲ့သည်။
DOCA(ရန်ကုန်)