Wanli Tire ကုမ္ပဏီသည် တရုတ်နိုင်ငံမှ Guangzhou Industrial Investment Holdings Group (GIIHG) ၏ထောက်ပံ့မှုဖြင့် ကမ္ဘောဒီးယားနိုင်ငံ၊ အရှေ့တောင်ပိုင်းရှိ Svay Rieng ပြည်နယ်တွင် ကားတာယာစက်ရုံကို ၁၂-၁-၂၀၂၅ ရက်နေ့တွင် စတင်တည်ဆောက်ခဲ့ကြောင်း ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) မှ သတင်းထုတ်ပြန်ခဲ့သည်။ ကမ္ဘောဒီးယားနိုင်ငံ၊ ဒုတိယဝန်ကြီးချုပ်နှင့် (CDC) ၏ ဒုတိယဥက္ကဋ္ဌ Sun Chanthol မှ အဆိုပါ ရင်းနှီးမြှုပ်နှံမှု စီမံကိန်းအသစ်သည် ကမ္ဘောဒီးယားနှင့်တရုတ်နိုင်ငံတို့အကြားပူးပေါင်း ဆောင်ရွက်မှု၏ ရလာဒ်ဖြစ်ကြောင်းပြောကြားခဲ့သည်။ လက်ရှိတွင် ကမ္ဘောဒီးယားနိုင်ငံတစ်ဝှမ်း အထူးစီးပွားရေးဇုန်များတွင် ကာတယာထုတ်လုပ်ရေးစီမံကိန်း (၆) ခုကို ဆောင်ရွက်လျက်ရှိ ကြောင်း သတင်းထုတ်ပြန်ချက်အရသိရသည်။ ကမ္ဘောဒီးယားနိုင်ငံတွင် အထူးစီးပွားရေးဇုန် ၂၈ ခုရှိပြီး စုစုပေါင်းရင်းနှီးမြှုပ်နှံမှု အမေရိကန်ဒေါ်လာ ၁၁.၇ ဘီလီယံခန့်ဖြင့် ရင်းနှီးမြှုပ်နှံမှု စီမံကိန်းပေါင်း ၈၃၅ ခုရှိပြီး နိုင်ငံသားများအတွက် အလုပ်အကိုင်ပေါင်း ၁၉၅,၀၀၀ ခန့် ဖန်တီးပေးထားကြောင်း သိရသည်။ ကမ္ဘောဒီးယားနိုင်ငံမှ တင်ပို့သည့် ကားတာယာများသည် ၂၀၂၄ ခုနှစ်၊ ဇန်နဝါရီလမှ နိုဝင်ဘာလအတွင်း ကန်ဒေါ်လာ ၇၇၂.၅ သန်းရှိပြီး ၂၀၂၃ ခုနှစ်အ လားတူကာလ ကန်ဒေါ်လာ ၃၂၈.၂ သန်းမှ ၁၃.၅ ရာခိုင်နှုန်းတိုးတက်လာခဲ့သည်။ ကမ္ဘောဒီးယား နိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန(MOC) မှပြောရေးဆိုခွင့်ရှိသူ Penn Sovicheat က ကားတာယာများတင်ပို့မှုတွင် သိသိသာသာတိုးတက်လာမှုသည် ပို့ကုန် တိုးမြှင့်ရေးတွင် နိုင်ငံတော်၏ကြိုးပမ်းအားထုတ်မှုများကြောင့်ဟု ပြောကြားခဲ့သည်။
DOCA(ရန်ကုန်)