လာအိုနှင့်ဗီယက်နမ်အစိုးရ ခေါင်းဆောင်များနှင့်စီးပွားရေးကိုယ်စာလှယ်များသည် လာအို နိုင်ငံ၏ မြို့တော်ဗီယန်ကျင်းတွင်ကျင်းပသော လာအို-ဗီယက်နမ် ရင်းနှီးမြှုပ်နှံပူးပေါင်းဆောင် ရွက်ရေး ညီလာခံ ၂၀၂၅ တွင် လာအိုနှင့်ဗီယက်နမ်နိုင်ငံတို့အကြား ဆက်ဆံရေးခိုင်မာစေရေး အတွက် ဇန်နဝါရီလ ၁၄ ရက်နေ့ကတွေ့ဆုံခဲ့ကြကြောင်းလာအိုနိုင်ငံပိုင် တီဗီ၏ ဖော်ပြချက်အရ သိရသည်။ အဆိုပါပွဲကို လာအိုနိုင်ငံဝန်ကြီးချုပ် Sonexay Siphandone နှင့် ဗီယက်နမ်ဝန်ကြီးချုပ် Pham Minh Chinh တို့တက်ရောက်ခဲ့သည်။ လာအိုအစိုးရသည် ၎င်း၏ နိုင်ငံတော်ဖွံဖြိုးတိုးတက် ရေးမဟာဗျူဟာ၏ အဓိကအစိတ်အပိုင်းများအဖြစ် ကုန်သွယ်မှုနှင့်ရင်းနှီးငွေတိုးတက်ရေးနှင့် လူမှုစီးပွားရေးတိုးတက်မှုကို တွန်းအားပေးဆောင်ရွက်နေကြောင်း အစီအရင်ခံစာကဆိုသည်။ လာအိုနှင့်ဗီယက်နမ်တို့အကြား ကုန်သွယ်မှုသည် ၂၀၂၄ ခုနှစ်ပထမ ၁၁ လအတွင်းအမေရိကန် ဒေါ်လာ ၁.၉၄ ဘီလီယံအထိ ရောက်ရှိခဲ့ပြီး ၂၀၂၃ ခုနှစ်အလားတူကာလနှင့် နှိုင်းယှဥ်ပါက ၃၂.၈% တိုးလာကြောင်း ၎င်းကဆိုသည်။ ကုန်သွယ်မှုနှင့်ရင်းနှီးမြှုပ်နှံမှုများတိုးမြှင့်နိုင်ရေးအတွက်ကဏ္ဍ အားလုံးပူးပေါင်းဆောင်ရွက်မှုတိုးမြှင့်ရန် နှစ်ဖက်စလုံးက တိုက်တွန်းထားကြောင်းသိရသည်။
DOCA(ရန်ကုန်)