Kim Long Motor Hue Joint Stock Company နှင့် Changan Automobile Group (China) တို့သည် Hue မြို့တော်ရှိစက်မှုဇုန်တွင် တစ်နှစ်လျှင်အစီးရေ ၅၀၀၀၀ ထုတ်လုပ်နိုင်စွမ်း ရှိသည့် ခရီးသည်တင်ကားစက်ရုံသစ်တည်ဆောက်ရန်အတွက် ပူးပေါင်းဆောင်ရွက်မှု သဘောတူ ညီချက်ကို ဇန်နဝါရီလ ၁၄ ရက်နေ့က လက်မှတ်ရေးထိုးခဲ့ကြကြောင်း သိရပါသည်။ ထိုစက်ရုံသည် Hue မြို့တော်ရှိ Chan May-Lang Co စီးပွားရေးဇုန်တွင် တည်ရှိသည့် Kim Long Motor Hue မော်တော်ကားထုတ်လုပ်တပ်ဆင်သည့်စက်မှုဇုန်၏ တစ်စိတ်တစ်ပိုင်းအနေဖြင့် တည်ရှိမည်ဖြစ်ပြီး နှစ်ဖက်စလုံးသည် ၅-၇ ခုံပါဝင်သည့် မော်တော်ကားများ ထုတ်လုပ်ရန် စီစဉ် ထားကြောင်း သိရပါသည်။ စက်ရုံသစ်သည် ၃၀ ဟတ်တာအကျယ်အဝန်းရှိပြီး ထုတ်လုပ်မှု လုပ်ငန်းစဉ်အားလုံးကို Changan ၏အဆင့်မြင့်နောက်ဆုံးပေါ်နည်းပညာများနှင့် ပေါင်းစပ် ထုတ်လုပ်သွားမည်ဟု သိရပါသည်။ စက်ရုံဆောက်လုပ်မှုကို ၂၀၂၅ ခုနှစ်တွင် စတင်ရန်စီစဉ်ထား ကြောင်း သိရပါသည်။ လုပ်ငန်းစတင်လည်ပတ်ပါက စက်ရုံသည် အလုပ်အကိုင် ထောင်ပေါင်း များ စွာဖန်တီးပေးနိုင်ရန် ခန့်မှန်းရပြီး နိုင်ငံတော်ဘက်ဂျက်ကိုတိုးတက်စေမည်ဖြစ်ကာ Hue မြို့တော် ၏ လူမှုစီးပွားတိုးတက်ရေးအတွက် ပံ့ပိုးပေးနိုင်မည်ဟု သိရပါသည်။ King Long Motor ၏ ညွှန်ကြားရေးမှူးချုပ်ဖြစ်သူ Dao Viet Anh က Changan Automobile နှင့် မိတ်ဖက်ဖွဲ့မှုသည် ကုမ္ပဏီအတွက် နိုင်ငံတကာဈေးကွက်သို့တိုးချဲ့ရန်နှင့် ပြည်တွင်းဈေးကွက် တွင် ရပ်တည်ချက် ခိုင်မာစေရန်အတွက် အရေးပါသော အခြေခံအုတ်မြစ်ဖြစ်ကြောင်း ပြောကြားခဲ့ပါသည်။ ကုမ္ပဏီ သည် Changan Automobile နှင့်အနီးကပ်ပူးပေါင်း၍ ၎င်းတို့၏ ရည်မှန်းချက်များပြည့်မီရန် အတွက် အရင်းအမြစ်များနှင့် နည်းစနစ်ကျွမ်းကျင်မှုများကို အပြည့်အဝအသုံးချသွားမည်ဟု သိရပါသည်။ Changan Automobile Group ၏ ညွှန်ကြားရေးမှူးချုပ်ဖြစ်သူ Wang Hui က ထို ပူးပေါင်းဆောင်ရွက်မှုသည် ၎င်းတို့၏ ကမ္ဘာလုံးဆိုင်ရာမဟာဗျူဟာနှင့် ဗီယက်နမ်ဈေးကွက်သို့ ထိုးဖောက်ဝင်ရောက်ရန်အတွက် အရေးပါသောခြေလှမ်းတစ်ရပ်ဖြစ်ကြောင်း ပြောကြားခဲ့ပါသည်။ ထိုနှစ်ဦးနှစ်ဖက် မိတ်ဖက်ဖွဲ့မှု သည် ပြိုင်ဘက်ကင်းထုတ်လုပ်မှုပုံစံရွေးချယ်ခြင်းနှင့် အမှတ်တံဆိပ်စံနှုန်းများနှင့်ကိုက်ညီသည့် ဖြန့်ဖြူးရေးစနစ်တည်ထောင်ရေးတို့ပါဝင်သည့် များစွာ သော အဓိကဒေါက်တိုင်များအပေါ် အာရုံစိုက်ထားကြောင်း သိရပါသည်။
DOCA(ရန်ကုန်)