ရွှေဘိုမြို့ရှိ ဈေးများတွင် လယ်ကြွက်များကို ရောင်းချလျက်ရှိကြောင်း၊ လယ်ကြွက်များမှာ စပါးခင်းများတွင် ခိုအောင်းနေသည့်အတွက် မိုးစပါးများ စတင်ရိတ်သိမ်းသည့် ဒီဇင်ဘာလ လဆန်းပိုင်းတွင် စတင်ပေါ်ပြီး ဇန်နဝါရီလကုန်စပါးများ ကွင်းပိတ်ရိတ်သိမ်းပြီးသည့်အချိန်တွင် လယ်ကြွက်များ လှိုင်လှိုင်ပေါ်ကြောင်း၊ ရာသီစာဖြစ်သည့် လယ်ကြွက်များကို စပါးခင်းများတွင် ထောင်ဖမ်းခြင်းများပြုလုပ်ကြပြီး အညှီနံ့သက်သာစေရန်၊ ခြောက်သွေ့စေရန်နှင့် ရောင်းပန်း လှစေရန်အတွက် မရောင်းချခင် ကြွက်များကိုအရေခွံချွတ်၍ ဆီဖြင့်အိုးကင်ပူတိုက်ပြီး ရောင်းချကြကြောင်း သိရှိရပါသည်။
ရွှေဘိုမြို့တွင် ရောင်းချလျက်ရှိသည့် ပေါ်ဉီးပေါ်ဖျားလယ်ကြွက်ဈေးနှုန်းများမှာ အရွယ်အစား အကောင်အကြီးအသေးပေါ်မူတည်၍ (၁)ကောင်လျှင် (၂၀၀ဝိ/-)ကျပ်၊ (၂၅၀ဝိ/-)ကျပ်နှင့် (၃၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိပြီး လယ်ကြွက်များလှိုင်လှိုင်ပေါ်သည့် ဇန်နဝါရီလ (တတိယ) ပတ်တွင် ရောင်းချသည့် ဈေးနှုန်းများမှာ (၁)ကောင်လျှင် (၁၂၀ဝိ/-)ကျပ်၊ (၁၅၀ဝိ/-)ကျပ်၊ နှင့်(၂၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(စစ်ကိုင်း)