ပြည်မြို့ရှိ ပြည်ကုန်စည်ဒိုင်သည် ယခုလတွင် ပဲမျိုးစုံရောင်းဝယ်လျှက်ရှိရာ မတ်ပဲဈေးမှာ အနည်းငယ်ကျနေပြီး တခြားပဲများမှာ ဈေးအေးလျှက်ရှိကြောင်း သိရပါသည်။
ပြည်ကုန်စည်ဒိုင်တွင် ဧပြီလနောက်ဆုံးပတ် မတ်ပဲတစ်တင်းကို ၄၇၅၀၀-၄၈၀၀၀ ကျပ်ဖြင့် အရောင်းအဝယ်ဖြစ်၍ တစ်ရက်ကို အိတ် ၁၀၀/၁၅၀ ခန့် အဝယ်ရှိပြီး မတ်ပဲဈေး တစ်ဖြည်းဖြည်းကျလာပါသည်။ မေလ ပထမပတ်တွင် ပဲတစ်တင်းကို ၄၇၀၀၀-၄၇၆၀၀ ကျပ်မှ ၄၇၆၀၀-၄၇၅၀၀ ကျပ် ဈေးဖြင့် တစ်နေ့လျှင် အိတ် ၂၀၀/၃၀၀ခန့် အရောင်းအဝယ် ဖြစ်လျှက်ရှိပါသည်။ မေလဒုတိယပတ်တွင် မတ်ပဲဈေးကျလာပြီး ပဲတစ်တင်းကို ၄၇၀၀၀ကျပ်ဖြင့် အရောင်းအဝယ် ဖြစ်လျှက်ရှိပါသည်။
ပဲစင်းငုံသီးနှံဈေးမှာ ဧပြီလနောက်ဆုံးပတ်မှစ၍ ဈေးအေးနေပြီး ပဲတစ်တင်းကို ၄၄၀၀၀ ကျပ်ဖြင့် အရောင်းအဝယ်အနည်းသာရှိခဲ့ပါသည်။ မေလဆန်းတွင် ပဲစင်းငုံတစ်တင်းကို ၄၃၀၀၀ ကျပ်ဖြင့် တစ်ခါတစ်ရံမှသာအဝယ်ရှိပြီး အရောင်းအဝယ်ဖြစ်လျှင် အိတ် ၂၀၀/၃၀၀ခန့် ရန်ကုန်အဝယ်ရှိပါသည်။
ပြည်ကုန်စည်ဒိုင်တွင် ကုလားပဲဈေးမှာ ဧပြီလ စတုတ္ထပတ်တွင် ကုလားပဲ (ဟော်လန်) တစ်တင်းကို ၄၄၈၀၀-၄၅၀၀၀ကျပ်၊ ကုလားပဲ (မြကြေးမှုံ)တစ်တင်းကို ၄၅၈၀၀-၄၆၀၀၀ ကျပ် ဖြစ်ခဲ့ပြီး မေလပထမပတ်တွင် ကုလားပဲ(ဟော်လန်)တစ်တင်းကို ၄၅၀၀၀ကျပ်၊ ကုလားပဲ (မြကြေးမှုံ) တစ်တင်းကို ၄၆၀၀၀ကျပ်ဈေးဖြင့် ဈေးအေးနေပြီး အရောင်းအဝယ်ဖြစ်မှုမှာ ခွဲစက်သမားများနှင့် ရန်ကုန်အဝယ်ရှိပြီး တစ်ရက်ကို အိတ် ၂၀၀/၃၀၀ခန့် အဝယ်ရှိခဲ့ပါသည်။ ကုလားပဲ ခွဲခြမ်းများကိုလည်း နယ်စုံသို့ တင်ပို့မှုရှိပါသည်။ ကုလားပဲသီးနှံဈေးမှာ မေလ ဒုတိယပတ်တွင် ကုလားပဲ(ဟော်လန်)တစ်တင်းကို ၄၅၀၀၀-၄၅၅၀၀-၄၆၀၀၀၊ ကုလားပဲ(မြကြေးမှုံ) တစ်တင်းကို ၄၇၀၀၀ကျပ်ဖြင့် ခွဲစက်သမားများ အဝယ်ရှိပါသည်။
ပဲကြီးသီးနှံဈေးမှာ ဧပြီလ စတုတ္ထပတ်တွင် ပဲကြီး(ရွှေကျွန်း)ပဲတစ်တင်းကို ၅၅၀၀၀ကျပ် မှ ဈေးတက်လာပြီး ပဲတစ်တင်းကို ၆၀၀၀၀-၆၃၀၀၀ကျပ်ဖြင့် ပဲကြော်သမားများ၊ မြို့တွင်းအဝယ်ရှိခဲ့ပါသည်။ မေလဆန်းတွင် ပဲကြီးဈေးအေးပြီး တစ်တင်းကို ၆၀၀၀၀-၆၃၀၀၀ကျပ်ဖြင့်သာ အရောင်းအဝယ်ရှိပြီး တစ်ရက်ကို အိတ် ၂၀၀/၃၀၀ခန့် မြို့တွင်းနှင့် ရန်ကုန်အဝယ်ရှိခဲ့ပါသည်။ မေလ ဒုတိယပတ်တွင် ပဲကြီးတစ်တင်းကို ၆၀၀၀၀-၆၃၀၀၀ ကျပ်ဖြင့် ဈေးအေးနေခဲ့ပါသည်။
ဘိုကိတ်သီးနှံဈေးမှာ ဧပြီလနောက်ဆုံးပတ်တွင် ပဲတစ်တင်းကို ၃၄၀၀၀ကျပ်ဖြင့် လက်လီ/ လက်ကားအဝယ်ရှိပြီး မေလဆန်းမှာတွင် ပဲတစ်တင်းကို ၃၅၀၀၀ကျပ်ဈေးဖြင့် အရောင်းအဝယ်ဖြစ်ပြီး တစ်ရက်ကို အိတ် ၅၀/၁၀၀ခန့် ဖြစ်ခဲ့ပါသည်။
စားတော်ပဲ (ကျွန်း)သီးနှံဈေးမှာ ဧပြီလနောက်ဆုံးပတ် ပဲတစ်တင်းကို ၈၃၀၀၀ မှ ၈၅၀၀၀ ကျပ်ထိ ဈေးမြင့်လာပြီး မြို့တွင်းအဝယ်တစ်ရက်ကို အိတ် ၄၀/၅၀သာ အဝယ်ရှိပါသည်။ မေလ ပထမပတ်နှင့် ဒုတိယပတ်တွင် စားတော်ပဲ(ကျွန်း) တစ်တင်းကို ၈၅၀၀၀ကျပ်ဖြင့် ဈေးအေးနေကြောင်း သိရပါသည်။
ပြည်ကုန်စည်ဒိုင်တွင် သင်္ကြန်ပြီးစကာလမှာ အရောင်းအဝယ်အေးခဲ့ပြီး ယခုရက်များတွင် အရောင်းအဝယ်ဖြစ်မှုမှာ ပုံမှန်ရောင်းဝယ်မှုရှိကြောင်း သိရှိရပါသည်။
DOCA(ပဲခူး)