အာဆီယံအဖွဲ့ဝင်နိုင်ငံများနှင့် ကမ္ဘောဒီးယားနိုင်ငံ၏ ကုန်သွယ်မှုပမာဏသည် ၂၀၂၄ ခုနှစ် တွင်ဒေါ်လာ ၁၅.၆၉ ဘီလီယံအထိရှိခဲ့ပြီး ၂၀၂၃ ခုနှစ်ဒေါ်လာ ၁၃.၉၆ ဘီလီယံထက် ၁၂.၄ ရာခိုင်နှုန်းတိုးလာခဲ့သည်ဟု စီးပွားရေးနှင့်ကူးသန်းရောင်းဝယ်ရေးဝန်ကြီးဌာန(MoC) မှ ၂၂-၁-၂၀၂၅ ရက်နေ့တွင်ထုတ်ပြန်ခဲ့သည်။ ကမ္ဘောဒီးယားနိုင်ငံသည် ၂၀၂၄ ခုနှစ်တွင် အာဆီယံနိုင်ငံ များသို့ ကုန်ပစ္စည်းတန်ဖိုး ကန်ဒေါ်လာ ၅.၀၇ ဘီလီယံတင်ပို့ခဲ့ပြီး ၂၀၂၃ ခုနှစ် ကန်ဒေါ်လာ ၄.၇၁ ဘီလီယံထက် ၇.၆ ရာခိုင်နှုန်းတိုးတက်လာကြောင်း အစီရင်ခံစာတွင်ဖော်ပြထားသည်။ ကမ္ဘောဒီးယားသို့ အာဆီယံနိုင်ငံများမှ စုစုပေါင်းသွင်းကုန်ပမာဏသည် ကန်ဒေါ်လာ ၁၀.၆၂ ဘီလီယံရှိပြီး ၁၄.၈ ရာခိုင်နှုန်းတိုးလာကြောင်းသိရသည်။ ကမ္ဘောဒီးယား-အာဆီယံနိုင်ငံများ၏ ကုန်သွယ်မှုပမာဏသည် ၂၀၂၄ ခုနှစ်အတွင်းနိုင်ငံတော်၏ စုစုပေါင်းကုန်သွယ်မှုပမာဏ၏ ၂၈.၃ ရာခိုင်နှုန်းရှိကြောင်း အစီရင်ခံစာတွင်ဖော်ပြထားသည်။ ဗီယက်နမ်၊ ထိုင်း၊ စင်္ကာပူ၊ အင်ဒိုနီးရှား နှင့် မလေးရှားနိုင်ငံတို့သည် ၂၀၂၄ ခုနှစ်အတွင်း အာဆီယံတွင်ကမ္ဘောဒီးယားနိုင်ငံ၏ ထိပ်တန်း ကုန်သွယ်ဖက် (၅) နိုင်ငံဖြစ်ကြောင်း အစီရင်ခံစာအရသိရသည်။ ကမ္ဘောဒီးယား ဝန်ကြီးချုပ် Hun Manet က အာဆီယံအတွင်း တက်ကြွသောမိတ်ဖက်နိုင်ငံအဖြစ်ရပ်တည်ခဲ့ပြီး အထည်ချုပ် ပစ္စည်းများနှင့် စက်ဘီးကဲ့သို့သော ကမ္ဘောဒီးယားနိုင်ငံထုတ်ကုန်ပစ္စည်းများသည် အရည်အသွေး နှင့် ယှဉ်ပြိုင်နိုင်သောဈေးနှုန်းဖြင့် အာဆီယံနှင့်ကမ္ဘာတစ်ဝှမ်းတွင် အသိအမှတ်ပြုခြင်းခံရ ကြောင်းအစီရင်ခံစာတွင် ထည့်သွင်းဖော်ပြထားသည်။
DOCA(ရန်ကုန်)